ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ევროკავშირის ინიციატივა, „საქართველო მწვანე მომავლისკენ“, სოციალურ საწარმო „ვინტილატორთან“ თანამშრომლობით, თბილისელებს ამ კვირა დღეს, 14 ივნისს დაგეგმილ „შეკეთებისა და ხელახლა გამოყენების დღეზე“ იწვევს.
ღონისძიების მიზანია შეკეთების, ხელახალი გამოყენებისა და ნარჩენების შემცირების კულტურის პოპულარიზაცია და იმის ჩვენება, რომ ნივთების შეკეთება და მეორადი მოხმარება გონივრული, თანამედროვე და პასუხისმგებლობიანი არჩევანია.
ღონისძიება ორბელიანის ბაღში, ანტონ ფურცელაძის 16 ნომერში 12:00 საათიდან 20:00 საათამდე გაიმართება.
დამსწრეებს შეუძლიათ თან მოიტანონ შესაკეთებელი ნივთები: ელექტრონული მოწყობილობები, ტანსაცმელი და ტექსტილი, ფეხსაცმელი და ტყავის ნაკეთობები, ვერცხლის სამკაულები და აქსესუარები, ჩანთები, ველოსიპედები, მცირე საყოფაცხოვრებო ტექნიკა, საათები, ვინილის ფირფიტები და რეტრო აუდიოტექნიკა, კერამიკა და ინტერიერის დეკორი და რბილი სათამაშოები.
ღონისძიებაზე ასევე შეგიძლიათ, „პარკი არ მინდას“ სტენდთან მიიტანოთ და ჩააბაროთ ნარჩენები (პლასტიკი, ალუმინი, ქაღალდი/მუყაო).
მათ, ვინც აქტივობებში ჩაერთვებიან, შეეძლებათ, დააგროვონ ბეჭდები და გადაცვალონ ისინი სიმბოლურ ეკო-საჩუქრებში.
დამატებითი ინფორმაცია
ყველაზე წაკითხული
თემაზე
ევროკომისია ევროკავშირის ინოვაციების პლატფორმას აამოქმედებს
EBRD-მა „ავერსი ფარმას“ 10 მილიონი ევროს ოდენობის სესხი გამოუყო
ევროკავშირისა და გაეროს მხარდაჭერით საქართველო ჰაერის ხარისხის მონიტორინგის ქსელს აფართოებს
ევროკავშირი და მისი წევრი სახელმწიფოები საქართველოს დამოუკიდებლობის დღეს ულოცავენ
ევროპის პოლიტიკური საზოგადოება ერევანში: „ეს სამიტი სამუდამოდ დარჩება მეხსიერებაში, როგორც მშვიდობის სამიტი კავკასიაში“, ანტონიუ კოშტა
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
