Հայաստան. Artbox ստեղծարար ինկուբատորը կաջակցի առևտրայնորեն կենսունակ արվեստի նախագծերին

Հայաստանում ԵՄ աջակցությամբ գործող Artbox ստեղծարար ինկուբատորը, որն աջակցության ամբողջական փաթեթ է տրամադրում առևտրային հաջողության ներուժ ունեցող ստեղծարար գաղափարներին, նախաձեռնել է առաջարկների մրցույթ։

Մրցույթի նպատակն է աջակցել արվեստի առևտրայնորեն կենսունակ նախագծերին և դրանք ներկայացնել մշակույթի ոլորտի առաջատար ներդրողներին:

Այս գարնանը 12 շաբաթ տևողությամբ ինկուբացիոն փուլի ընթացքում ընտրված ստեղծագործական թիմերը կմասնակցեն բիզնես առաջնորդների և մշակութային հայտնի գործիչների կողմից անցկացվող սեմինարներին, կմշակեն ռազմավարություն և ակտիվներ (բիզնես պլան, մարքեթինգային պլան, փիչինգի փաթեթ, կայք և այլն) և իրենց նախագծերը կներկայացնեն հանրահայտ մշակութային ներդրողների և ձեռներեցների դատին՝ հնարավոր ներդրման համար։

Հայտերի ներկայացման վերջնաժամկետը հունվարի 21-ն է։

Artbox-ը ստեղծվել է «Ստեղծարար Հայաստան» («Creative Armenia») հիմնադրամի կողմից՝ Եվրոպական միության և Գերմանիայի միջազգային համագործակցության ընկերութան (GIZ) «ԵՄ-ն՝ բիզնեսի համար» (EU4Business) նախաձեռնության «Նորարարական տուրիզմի և տեխնոլոգիաների զարգացում Հայաստանի համար» ծրագրի հետ համագործակցությամբ։

Իմացիր ավելին

Մամուլի հաղորդագրություն