ԵՄ և Դոյչե Վելլե ակադեմիա. հետազոտական դրամաշնորհ` հայկական ԶԼՄ-ներում շրջակա միջավայրին առնչվող թեմաների լուսաբանման համար

Կլիմայի փոփոխության, շրջակա միջավայրի և մեդիա հետազոտությունների հարցերում մասնագիտացած անձինք հրավիրվում են մասնակցելու Հայաստանում ԵՄ աջակցությամբ իրականացվող հետազոտական դրամաշնորհային մրցույթին:

Դրամաշնորհը կտրամադրվի «Եվրոպական մեդիահարթակ Հայաստանում. հուսալի և պրոֆեսիոնալ լրատվամիջոցների կառուցում» ծրագրի շրջանակում, որը համաֆինանսավորվում է Եվրոպական միության և ԳԴՀ Տնտեսական համագործակցության և զարգացման նախարարության (BMZ) կողմից։ Ծրագրի հիմնական նպատակը հայաստանյան մեդիա ոլորտի զարգացումն է, որպիսի վերջինս կարողանա ավելի լիարժեք իրագործել իր վերահսկիչ դերը հայ հասարակությունում։ Այն իրականացվում է Դոյչե Վելլե ակադեմիայի կողմից՝ «Բի-Բի-Սի Մեդիա էքշն»-ի, ԲՀՀ-Հայաստանի, «Հետաքննող լրագրողներ» ՀԿ-ի (Hetq.am) և «Ֆակտոր» տեղեկատվական կենտրոնի (Factor.am) հետ։

Ուսումնասիրությունը պետք է նաև վերլուծի, թե ինչպես են հայկական լրատվամիջոցները լուսաբանում շրջակա միջավայրին առնչվող թեմաները եւ ինչպիսի դեր ունեն լրատվամիջոցները որպես բնապահպանական ակտիվության առանցքային դերակատար:

Ուսումնասիրության ընդհանուր բյուջեն չպետք է գերազանցի 2000 եվրոն:

Հայտերի ընդունման վերջնաժամկետը հուլիսի 2-ն է։

Դրամաշնորհային առաջարկները (pdf, word, excel) պետք է էլեկտրոնային եղանակով ուղարկվեն dw-akademie.armenia@dw.com հասցեին՝ թեմայի տողում նշելով «Research proposal» (թարգմ.՝ «Հետազոտության առաջարկ»):

Իմացիր ավելին

Մամուլի հաղորդագրություն