ՎԻԱ հիմնադրամը Հայաստանում մեկնարկում է ներդրումային պատրաստության ծրագիր. դիմելու վերջնաժամկետը ապրիլի 14-ն է

ԵՄ ֆինանսական աջակցությամբ գործող ՎԻԱ հիմնադրամը հրավիրում է հայաստանյան սոցիալական ձեռնարկություններին դիմել իր նոր ներդրումային պատրաստության ծրագրին:

Ծրագրի հիմնական նպատակը Հայաստանում սոցիալական ձեռնարկությունների հզորացումն է՝ տրամադրելով անհրաժեշտ գործիքներ ու տեսլական հաջողությամբ ֆինանսավորում ներգրավելու եւ բիզնեսը մասշտաբայնացնելու համար: Խնամքով մշակված ուսումնական ծրագրի շնորհիվ մասնակիցները կստանան գիտելիքներ Ազդեցության ռազմավարության եւ մոդելավորման, մասշտաբայնության պատրաստվածության եւ ֆինանսական մոդելավորման վերաբերյալ՝ երեք առանձին մոդուլների միջոցով:

Բացի այդ, նրանք կունենան հնարավորություն աշխատել մենթորների եւ խորհրդատուների հետ՝ տիրապետելով հաջողակ սոցիալական ձեռնարկություն հիմնադրելու համար անհրաժեշտ հմտություններին:

Սոցիալական ձեռնարկությունները վերջնական ներկայացման հիման վրա կստանան անհրաժեշտ ֆինանսավորում՝ իրենց ձեռնարկությունները հաջորդ մակարդակի հասցնելու համար:

Դիմումների ընդունման վերջնաժամկետն է ապրիլի 14-ը։

ՎԻԱ ֆոնդը ստեղծվել է ԵՄ ֆինանսավորմամբ` որպես «Համագործակցություն հանուն սոցիալական ազդեցության» ծրագրի (Collaborate For Impact) մաս, որը գլխավորում է Impact Europe-ը:

Իմացիր ավելին

Մամուլի հաղորդագրություն