ԵՄ-Հայաստան ներդրումների համակարգման հարթակի երրորդ հանդիպմանը քննարկվել են ենթակառուցվածքային առանցքային ծրագրերն ու ներդրումային համագործակցությունը

Նոյեմբերի 27-ին ՀՀ կառավարության շենքում տեղի ունեցավ ԵՄ-Հայաստան ներդրումների համակարգման հարթակի երրորդ հանդիպումը։

Հարթակը միավորում է Հայաստանի Հանրապետության կառավարության, Եվրոպական միության եւ միջազգային ֆինանսական հաստատությունների ներկայացուցիչներին՝ նպատակ ունենալով Հայաստանի համար ԵՄ Տնտեսական ու ներդրումային պլանի ուղենիշային նախաձեռնությունների համատեքստում ներդրումային հոսքերի խթանմամբ նպաստել Հայաստանի կայուն զարգացմանը եւ տնտեսական աճին։  Հանդիպումը համանախագահում էին ՀՀ փոխվարչապետ Մհեր Գրիգորյանը եւ Հայաստանում Եվրոպական միության պատվիրակության դեսպան Վասիլիս Մարագոսը։

Հանդիպման ընթացքում քննարկվել են ենթակառուցվածքների ոլորտի կարեւոր նշանակության ներդրումները. «Կովկասյան էլեկտրահաղորդման ցանց» ծրագիրը, որը թույլ կտա Հայաստանի բարձր լարման էլեկտրահաղորդման ցանցը միացնել վրացական էլեկտրացանցին, «Սիսիան-Քաջարան» ճանապարհը, որը «Հյուսիս-Հարավ» ճանապարհային միջանցքի հատված է եւ կառուցվելուն պես կնպաստի ճանապարհորդության հեռավորության կրճատմանը, ինչպես նաեւ քաղաքային ենթակառուցվածքներին ուղղված «Դիմակայուն Սյունիքի շրջանակային վարկը»։

Հանդիպման ավարտին վերահաստատվեց Հարթակի համատեքստում շարունակական համագործակցության եւ «Դիմակայության եւ աճի» նոր ծրագրի շրջանակում Հայաստանում նոր ներդրումային հնարավորությունների հետագա ուսումնասիրման հանձնառությունը։ ՀՀ իշխանությունները հայտնեցին առեւտրի եւ տնտեսական դիվերսիֆիկացման հետագա ամրապնդման համարանհրաժեշտ որակյալ ենթակառուցվածքների եւ կապիտալի շուկայի զարգացման նպատակով Հայաստանին հետագա աջակցության անհրաժեշտության մասին։ 2024-2027 թվականների համար ԵՄ-ն կտրամադրի 270 միլիոն եվրո աջակցություն՝ 200 միլիոն եվրո դրամաշնորհային օժանդակություն եւ 70 միլիոն եվրո դրամաշնորհային ֆինանսավորում՝ խթանելու խթանելու ներդրումները միակցվածության, դիմակայունության եւ բիզնեսի զարգացման ոլորտներում։

Իմացիր ավելին

Մամուլի հաղորդագրություն