Azərbaycanlı Gənc Avropa səfirləri tərəfindən təşkil olunan maliyyə savadlılığına dair onlayn seminara qatılın 

Azərbaycandakı Gənc Avropa səfirləri (YEAs) ölkə gənclərini aprelin 30-də keçiriləcək maliyyə savadlılığına dair seminara qatılmağa dəvət edir.

Tədbir Avropa Bacarıqlar İli təşəbbüsü çərçivəsində təşkil olunur və gənclərin əsas maliyyə bacarıqlarının inkişafına yönəlmişdir.

Gənc Avropa səfirləri maliyyə sahəsində biliklərini artırmaq və uzunmüddətli maliyyə rifahına töhfə verəcək yeniliklərlə tanış olmaq istəyən tələbələri, məktəb şagirdlərini və digər gəncləri seminarda iştirak etməyə dəvət edir.

Seminarı Gənc Avropa səfirlərindən biri və dəvət edilmiş təlimçi aparacaq. Pulun dəyəri, inflyasiya və faiz dərəcələri kimi geniş iqtisadi konsepsiyalar və büdcənin həm şəxsi, həm də peşəkar səviyyədə səmərəli idarə edilməsi mövzuları diqqət mərkəzində olacaq. 

Qeydiyyat 28 aprel, 23:59 radələrinədək davam edəcək. Qeydiyyatdan keçmək üçün bu onlayn formanı doldurun. 

Gənc Avropa səfirləri (YEAs) təşəbbüsü dialoqu təşviq etmək və Aİ ilə əməkdaşlıq haqqında məlumatlılığı artırmaq üçün altı Şərq Tərəfdaşlığı ölkəsi, Avropa İttifaqı və Böyük Britaniyadan olan fəal gəncləri birləşdirən şəbəkədir.