Bakıda “Avropa İttifaqı-Azərbaycan Biznes Forum 2022” keçiriləcək – qeydiyyat artıq başlayıb

Mayın 17-də Bakıda “Avropa İttifaqı-Azərbaycan Biznes Forum 2022” keçiriləcək. 

Tədbir Avropa İttifaqının Azərbaycandakı Nümayəndəliyi, “COWI Belgium”, Azərbaycan-Fransa Ticarət və Sənaye Palatası, İtaliya-Azərbaycan Ticarət Palatası, “InvestBaku” və AZPROMO ilə birgə əməkdaşlıq çərçivəsində təşkil olunur.

“Avropa İttifaqı-Azərbaycan Biznes Forumu” Avropa İttifaqı və Azərbaycan arasında iqtisadi əməkdaşlığın gücləndirilməsi məqsədilə hər il keçirilən beynəlxalq səviyyəli tədbirdir. Forum şirkətlərə səmərəli əlaqələr qurmaq, öz fikirlərini bölüşmək imkanı yaradır, həmçinin dövlət və özəl sektorun dialoqunu təşkil etməklə Azərbaycanda iqtisadiyyatın şaxələndirilməsinə, biznes mühiti və investisiya imkanları haqqında məlumatlılığın artırılmasına dəstək verir. 

Tədbirdə iştirak etmək istəyən şəxslər onlayn qeydiyyatdan keçməlidirlər. Müraciətlər dəyərləndiriləcək və e-poçt vasitəsilə tədbirə dəvətlər göndəriləcək. 

Qeydiyyat üçün son tarix mayın 6-dır. 

Daha çox öyrən

Mətbuat üçün açıqlama