Azərbaycan: “Avropa Dalğası” podkastının yeni buraxılışı Avropa Təlim Fondunun fəaliyyətinə həsr olunub

12 noyabr tarixində Avropa İttifaqının Azərbaycandakı Nümayəndəliyi tərəfindən yayımlanan “Avropa Dalğası” podkastının son buraxılışında Avropa Təlim Fondunun (ETF) nümayəndələri ilə bu fondun fəaliyyətləri müzakirə olunub.

Podkastın bu buraxılışının qonaqları Avropa Təlim Fondunun əməkdaşları Coanna Anstey və Timo Kuusela olub. Onlar fondun məqsədləri, fəaliyyəti və təhsil sahəsində beynəlxalq əməkdaşlıqlara verdiyi töhfələr barədə ətraflı məlumat veriblər.

Müsahibəni Azərbaycandakı Gənc Avropa səfiri Ayla Əhmədli aparıb.

Avropa Təlim Fondu Aİ-nin təhsil, təlim və əmək bazarı sistemlərində islahatların həyata keçirilməsində Avropa İttifaqına qonşu olan ölkələrə dəstək verən qurumudur.

Gənc Avropa səfirləri (YEAs) təşəbbüsü dialoqu təşviq etmək və Aİ ilə əməkdaşlıq haqqında məlumatlılığı artırmaq üçün altı Şərq Tərəfdaşlığı ölkəsi, Avropa İttifaqı və Böyük Britaniyadan olan fəal gəncləri birləşdirən şəbəkədir.

Daha çox öyrən

Epizoda Facebook-da baxın