Azərbaycan: Aİ və BMTİP dronların minatəmizləmə əməliyyatlarında istifadəsinə dair təlimin keçirilməsinə dəstək verib

BMT-nin İnkişaf Proqramı (BMTİP) Aİ-nin humanitar yardım dəstəyilə Azərbaycanda minatəmizləmə əməliyyatlarına dair təlim təşkil edib.

Dronların idarə edilməsinə həsr edilmiş təlimlər Azərbaycanda qeydiyyatdan keçmiş və Avropa Komissiyası ilə əməkdaşlıq edən Beynəlxalq Avrasiya Mətbuat Fondunun (BAMF) xətti ilə yaradılmış qeyri-texniki sorğu qrupları üçün nəzərdə tutulub.

Təlimin məqsədi dron uçuşları sahəsində komanda üzvlərinə daha səmərəli və peşəkar şəkildə kömək etməkdir.  

“Dronların minatəmizləmə tədqiqatlarında istifadəsi çirklənmə miqyasında məlumat bazasının artmasına böyük təsir göstərəcək və humanitar minatəmizləmə tədbirlərinin həyata keçirilməsi prosesini sürətləndirməyə kömək edəcək”, – BMTİP-nin Facebook paylaşımında belə deyilir.

Humanitar minatəmizləmə əməliyyatları mülki əhalinin təhlükəsizliyini təmin etmək məqsədilə partlayıcı vasitələrin təmizlənməsidir.

Daha çox öyrən

Mətbuat üçün açıqlama