Azərbaycan: Aİ-nin dəstəyilə Şəkidə qida festivalı keçirilib

Sentyabr ayının 4-də Avropa İttifaqının dəstəyilə Azərbaycanın Şəki şəhərində qida festivalı keçirilib.  

Festivalda Şəki, Zaqatala, Qəbələ, Oğuz, Qax və Balakən rayonlarının ənənəvi yeməkləri və yerli kənd təsərrüfatı məhsulları təqdim edilib. Tədbirə Avropa İttifaqının Azərbaycandakı Nümayəndəliyi, Avropa İttifaqına üzv ölkələrin səfirlikləri, Milli Məclisin üzvləri, beynəlxalq təşkilatlar və regionu təmsil edən maraqlı tərəflər daxil olmaqla, 200-dən çox şəxs qatılıb.

Festival Aİ tərəfindən maliyyələşdirilən və İqtisadi və Sosial İnkişaf Mərkəzi, “Uluçay” Sosial-İqtisadi İnnovasiya Mərkəzi və Bolqarıstanın İqtisadi İnkişaf Mərkəzi tərəfindən icra olunan “Məsləhət xidmətləri vasitəsilə aqro-turizm, aqro-biznes sahibkarlığın və ərzaq məhsullarının istehsalının təşviqi və yeni dəyər zəncirlərinin yaradılması və inkişafı” layihəsi çərçivəsində təşkil olunub. 

Daha çox öyrən

Mətbuat üçün açıqlama