AYİB Azərbaycanda kənd təsərrüfatı istehsalı şirkətinə kredit ayırıb

Avropa Yenidənqurma və İnkişaf Bankı (AYİB) Azərbaycanda kənd təsərrüfatı məhsulları istehsalçısı olan “H and M Agro” şirkətinə 2 milyon ABŞ dollarına ekvivalent olan yerli valyutada yüksək təminatlı kredit ayırıb. Şirkət bu maliyyə vəsaiti ilə hidroponik istixanalarının sayını artırmağı planlaşdırır. 

Ayrılan maliyyə vəsaiti Salyan şəhərində səmərəli və ekoloji cəhətdən təmiz istixanaların quraşdırılmasına sərf olunacaq. Bu da adı çəkilən şirkətə torpaq, su və gübrələrdən səmərəli istifadə etməklə daha yüksək məhsuldarlığa nail olmağa və ətraf mühiti qorumağa kömək edəcək. “H and M Agro” şirkəti həmçinin kredit vasitəsilə rəqabət qabiliyyətini artırmağı və beynəlxalq miqyasda müştəri bazasını şaxələndirməyi nəzərdə tutur.  

Avropa İttifaqı özünün “EU4Climate” təşəbbüsü ilə bu krediti AYİB-in İqlim Dəyişikliyi üzrə Maliyyə və Texnologiyaların Transferi Mərkəzi (FINTECC) vasitəsilə məqbul xərclərin 13 faizinə qədər qrant dəstəyi ilə tamamlayacaq. 

Daha çox öyrən

Mətbuat üçün açıqlama