Avropa Günü: Ukraynadakı müharibə Avropa İttifaqının mühüm dəyərini bir daha vurğulayır 

Avropa Günü: Ukraynadakı müharibə Avropa İttifaqının mühüm dəyərini bir daha vurğulayır 

May 10, 2022

Hər il mayın 9-da avropalılar Avropa Gününü qeyd edirlər. Aİ-nin Ali Nümayəndəsi Cozep Borrel bu gün ilə bağlı bəyanatında bildirib ki, Ukraynadakı müharibə Avropa İttifaqının avropalılar arasında sülh layihəsi və qitəmizdə və bütövlükdə dünyada təhlükəsizliyi dəstəkləyən və gücləndirən güclü tərəf kimi mühüm dəyərini bir daha vurğulayır. 

Avropa Günü Avropa layihəsinin əsasını qoyan Robert Şumanın təsis bəyannaməsinə həsr olunub. Bu il genişmiqyaslı müharibənin Avropa ərazisinə qayıtması fonunda Avropa Günü xüsusi əhəmiyyət kəsb edir. “Vətəndaşlarımızın əksəriyyəti üçün Aİ-yə inteqrasiya prosesi inanılmaz uğur hekayəsi olsa da, bəzi soydaşlarımız Avropa layihəsinin faydasına şübhə ilə yanaşır”, – deyə Borrell bildirib. O, Ukraynadakı müharibənin avropalılara “Avropa İttifaqının sülh layihəsi kimi mühüm dəyərini” və bütövlükdə dünyada güclü tərəf kimi rolunu xatırladır.

Bu baxımdan Borrel dörd əsas məqamı vurğulayıb:

  • Üzv dövlətlər təcavüz qarşısında güclü siyasi birlik nümayiş etdirdilər. “Biz hamımız [Rusiyanın] təcavüzünün ciddiliyini və onun gətirdiyi təhlükəni başa düşdük. Beləliklə, İttifaqın G7-dəki tərəfdaşları ilə koordinasiya şəklində Rusiyaya qarşı maliyyə və iqtisadi sanksiyaları qəbul etmə sürəti bundan irəli gəlir.
  • Aİ ilk dəfə olaraq hücuma məruz qalan dövlətə özünü müdafiə etmək üçün Avropa Sülh Proqramının maliyyə resurslarından istifadə etdi. Ümumi məbləği 1,5 milyard avro olmaqla bu ölkəyə artıq üç dəfə maliyyə yardımı edilib. Avropanın bu dəstəyi ilə yanaşı, ittifaqa üzv dövlətlər də Ukraynaya birbaşa hərbi dəstək təmin edib. “Bu, ittifaqın üzv dövlətləri məhdudlaşdırmadığını, əksinə onların hər birinin gücünü artırdığını bir daha sübut edir”.
  • Avropanın Rusiyadan enerji asılılığını aradan qaldırmaq məqsədilə kollektiv şəkildə çalışmaqla, Aİ üzv dövlətlərin təkbaşına fəaliyyətindən daha çox, onların birgə daha güclü olduğunu göstərir. “O, beynəlxalq enerji bazarında daha güclü tərəf olmaqla yanaşı, həm də ayrı-ayrı üzv dövlətlərin enerji sahəsində şantaja məruz qalmasını məhdudlaşdırır. Bu, Aİ-nin strateji dayanıqlığını gücləndirəcək”.
  • Aİ-nin Ukraynaya dəstək baxımından gücü və qətiyyəti beynəlxalq həmrəyliyin ifadəsidir. Beynəlxalq ictimaiyyətin azı 141 dövləti BMT Baş Assambleyasında Rusiyanın Ukraynaya təcavüzünü birbaşa rədd edib. Onlar öz ərazi bütövlüyünü və suverenliyini gələcək potensial təcavüzlərə qarşı müdafiə edir və “cəngəllik” qanununun beynəlxalq münasibətlərə qaytarılmasına “yox” deyirlər. Bundan əlavə, Aİ Rusiyanın Ukraynaya qarşı müharibəsinin ümumi beynəlxalq nəticələrinin, o cümlədən iqtisadi nəticələrin aradan qaldırılması prosesində iştirak edir. “Burada da beynəlxalq həmrəylik göstərməkdə Aİ-nin birliyi əhəmiyyətli rol oynayacaq”.

“Bu müharibə sayəsində Avropanın güclü dövlətlərin dilindən necə istifadə etməyi öyrənmə prosesi sürətlənir. 9 may 2022-ci il bu artan anlayışı vurğulamalıdır: Aİ-ni və əsasında qurulduğu dəyərləri müdafiə etmək; özünü və tam və yekun suverenliyimizi müdafiə etmək üçün kollektiv gücümüzü tərəfdaşımız Ukrayna üçün sərf etmək; əsas beynəlxalq normaları və təhlükəsizliyi qorumaq və bu təcavüzün qlobal nəticələrini aradan qaldırmaq üçün həmrəylik nümayiş etdirmək üçün beynəlxalq ictimaiyyətlə birlikdə çalışmaq”.

Daha çox öyrən

Mətbuat üçün açıqlama




Son xəbərlər və iştirak imkanlarında maraqlısınız?

Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram B&S Europe-un rəhbərlik etdiyi konsorsium tərəfindən həyata keçirilir.

Bu məlumat Məsuliyyətdən imtinaŞəxsi məlumatların qorunmasına dair qaydalara tabedir.
© Avropa İttifaqı,