Aİ Ermənistan-Azərbaycan sərhədində baş verən silahlı toqquşmanı təəssüf hissi ilə qarşılayıb 

Aİ dünən Azərbaycan-Ermənistan sərhədində bir neçə erməni və azərbaycanlı hərbçinin həlak olması və ya yaralanması ilə nəticələnən silahlı toqquşma ilə bağlı xəbəri təəssüf hissi ilə qarşılayıb.

“Bu insident bir daha göstərir ki, sərhədlər delimitasiya edilmədiyi üçün, 1991-ci ilin sərhəd xəttinə riayət edilməli və belə insidentlərin təkrarlanmaması üçün hər iki tərəfin silahlı qüvvələri bu xəttdən təhlükəsiz məsafəyə çəkilməlidir”. Aİ-nin Xarici Əlaqələr və Təhlükəsizlik Siyasəti üzrə sözçüsü Nabila Massralinin açıqlamasında belə deyilir.

Aİ həmçinin 1991-ci il Almatı Bəyannaməsinə uyğun olaraq ərazi bütövlüyünün qarşılıqlı tanınması ilə bağlı 2022-ci ilin oktyabrında Praqada götürülmüş öhdəliklər daxil olmaqla daha əvvəl qəbul olunan öhdəliklərə riayət etməyə çağırır. Aİ həmçinin sərhədin delimitasiyası üzrə danışıqların intensivləşdirilməsinə çağırıb və bu prosesi dəstəkləməyə hazır olduğunu bildirib.

“Biz bir daha təmkinli olmağa və bütün mübahisələrin sülh yolu ilə həllinə çağırırıq. Aİ bu səyləri, eləcə də Aİ missiyasının Ermənistanda iştirakı vasitəsilə dəstəkləməyə ən yüksək səviyyədə davam edir”, – Massrali bildirib.

Daha çox öyrən

Mətbuat üçün açıqlama