Aİ, BMTİP və tərəfdaşlar yerli iqtisadi inkişaf naminə yeni proqrama start verir

2024-cü ilin mart ayında Avropa Komissiyasının Genişlənmə Məsələləri və Qonşuluq Siyasəti üzrə Baş Direktoratı (DG NEAR), Birləşmiş Millətlər Təşkilatının İnkişaf Proqramı (BMTİP) və  tərəfdaşları İqtisadi İnkişafın Yolları (P4EG) proqramının icrasına başlayıb. Bu proqram Aİ tərəfindən maliyyələşdirilən İqtisadi İnkişafı Dəstəkləyən Bələdiyyə Sədrləri (M4EG) layihəsi kontekstində yerli iqtisadi inkişaf planlarını hazırlamaq üçün nəzərdə tutulub.

Tərəfdaş təşkilatlara Arup, EIT Climate-KIC və Tallin Texnologiya Universiteti (TalTech) daxildir.

P4EG proqramı şəhərlərə mərkəzi hökumətlər, donorlar, Avropa və beynəlxalq maliyyə institutları ilə birgə yerli inkişafın sosial, ekoloji və iqtisadi amillərini, eləcə də layihələrini ən yaxşı şəkildə qiymətləndirməyə kömək edir.

Avropa Komissiyasının Genişlənmə Məsələləri və Qonşuluq Siyasəti üzrə Baş Direktoratının (DG NEAR) Rəqəmsal və İqtisadi İnkişaf Proqramının rəhbəri Tibo Şarlet P4EG proqramının “yerli səviyyədə investisiya layihələri portfelinin yaradılmasında əsas rol oynayacağını və Aİ-nin Şərq Tərəfdaşlığı regionu üçün İqtisadi və İnvestisiya Planı çərçivəsində şəhərlərə daha çox dövlət-özəl maliyyələşdirməsini səfərbər etməyə kömək edəcəyini” deyib.  

P4EG bələdçi sənədi və P4EG giriş kursu Azərbaycan, Ermənistan, Gürcüstan, Moldova və Ukraynadan olan istifadəçilər üçün əlçatandır. 

M4EG proqramı Avropa İttifaqı (Aİ) tərəfindən maliyyələşdirilən və 2017-ci ildən etibarən icra olunmağa başlayan İqtisadi İnkişaf naminə Merlərin Katibliyi proqramına əsaslanır. 2021-ci ildən başlayaraq Aİ-nin maliyyələşdirdiyi M4EG proqramı Aİ, yerli hakimiyyət orqanları və bir sıra tərəfdaşlarla sıx əməkdaşlıq şəraitində BMTİP tərəfindən idarə olunur.

Daha çox öyrən

Mətbuat üçün açıqlama