უკრაინის მხარდამჭერი გერმანული არასამთავრობო ორგანიზაცია მოხალისეებს ეძებს

აღმოსავლეთ პარტნიორობისა და ევროკავშირის ქვეყნებში მცხოვრებ 18-28 წლის ახალგაზრდებს მოხალისეობრივი წლის ფარგლებში და ევროპის სოლიდარობის კორპუსის დაფინანსებით გერმანიის ქალაქ ფრაიბურგში იწვევენ. ისინი იქ ითანამშრომლებენ ქრისტიანულ არაკომერციულ ორგანიზაციასთან,  S’Einlädele, რომელიც უკვე 30 წელზე მეტია, რაც უკრაინას უჭერს მხარს. 

ორგანიზაცია უკრაინაში ახორციელებს პროექტებს, რომელთა მიზანიც დაუცველი ბავშვებისა და ხანდაზმულების დახმარებაა. მოხალისეები იმუშავებენ S’Einlädele-ის არაკომერციულ კაფესა და ხანდაზმულთა სახლში, ჩაერთვებიან ჰუმანიტარულ საქმიანობაში და ლტოლვითა დახმარებაში. 

მოხალისეები ჩასვლისთანავე გაივლიან ტრენინგს, შემდგომ კი მათ შუალედური შეხვედრები ჩაუტარდებათ. ისინი ასევე დაესწრებიან რეგულარულ სესიებს პოლიტიკურ და მდგრადობის საკითხებზე და მიეცემათ შესაძლებლობა, გამოიჩინონ ინიციატივა და წამოიწყონ საკუთარი პატარა პროექტები.

მოხალისეები იცხოვრებენ სრულად აღჭურვილ ბინებში და მათ კომუნალურ, ინტერნეტის, გერმანულის გაკვეთილებისა და ჯანმრთელობის დაზღვევის ხარჯებს დაუფარავენ. ისინი დამატებით ყოველთვიურად მიიღებენ სახარჯავ ფულს და კვებისა და საზოგადოებრივი ტრანსპორტისთვის საჭირო სახსრებს.

განაცხადების შეტანის ბოლო ვადაა 1 სექტემბერი.

განაცხადის გაგზავნა შეგიძლიათ ინგლისურ, გერმანულ, უკრაინულ ან რუსულ ენებზე.

დამატებითი ინფორმაცია

პრესრელიზი

ინფორმაცია მოხალისეობრივი წლის შესახებ