„რა? სად? როდის?“: ევროკავშირი ქართველი ახალგაზრდებისთვის თამაშების ერთწლიან მარათონს იწყებს 

აჭარის ავტონომიურ რესპუბლიკაში 10 ივნისს პოპულარული თამაშის, „რა? სად? როდის?“, ევროპული ტური დაიწყო, რომელშიც ერთდროულად 100-ზე მეტი გუნდი ჩაერთო.  

თამაშისთვის კითხვები იმგვარად მომზადდა, რომ ახალგაზრდებმა  გასართობი და ინტერაქტიური ფორმით შეძლონ ევროკავშირის შესახებ მეტი ინფორმაციის მიღება.

წლის განმავლობაში თამაშები საქართველოს 63 მუნიციპალიტეტში, თბილისის თერთმეტ რაიონში და, ასევე, არასრულწლოვანთა კოლონიაში ჩატარდება. თამაშში მონაწილეობა და ევროკავშირის შესახებ მეტი ინფორმაციის მიღება მერვე-მეთორმეტე კლასების მოსწავლეებს შეუძლიათ.

„ევროკავშირი აქტუალურია ყველა ასაკის ადამიანისათვის. განსაკუთრებით იმ დროს, როდესაც საქართველოს ევროპული პერსპექტივა და ევროკავშირში გაწევრიანებისკენ მიმავალი გზა ყველას საფიქრალს წარმოადგენს, ძალიან მნიშვნელოვანია, რომ ახალგაზრდებს მაქსიმალურად ბევრი ინფორმაცია ჰქონდეთ“, — აღნიშნა აგატა ნიებოიმ, რომელიც საქართველოში ევროკავშირის წარმომადგენლობის ადამიანის უფლებების, მართლმსაჯულებისა და საშინაო საქმეების ჯგუფს ხელმძღვანელობს.

დამატებითი ინფორმაცია

პრესრელიზი