საგრანტო კონკურსი ეთნიკური უმცირესობების წარმომადგენელი ქალებისა და ახალგაზრდების მხარდასაჭერად
იანვარი 17, 2023

საგრანტო კონკურსი ეთნიკური უმცირესობების წარმომადგენელი ქალებისა და ახალგაზრდების მხარდასაჭერად


ორგანიზაცია „HEKS-EPER საქართველო“ სამოქალაქო საზოგადოების ორგანიზაციებისთვის 14,000 ლარამდე ოდენობის გრანტების გასაცემად კონკურსს აცხადებს. კონკურსი ევროკავშირის მიერ დაფინანსებული პროექტის, „სამოქალაქო საზოგადოების გაძლიერება სოციალურ, ეკონომიკურ და პოლიტიკურ ცხოვრებაში თანაბარი და სრულყოფილი მონაწილეობისთვის“, ფარგლებში ტარდება.

საგრანტო კონკურსის მიზანია იმ სამოქალაქო საზოგადოების ორგანიზაციების დახმარება, რომლებიც ადვოკატირების გზით უჭერენ მხარს ეთნიკური უმცირესობების წარმომადგენელი ქალებისა და ახალგაზრდების სამოქალაქო ჩართულობას.

კონკურსის ფარგლებში ქვემო ქართლის და სამცხე-ჯავახეთის ექვს მუნიციპალიტეტში — მარნეულში, ბოლნისში, დმანისში, ახალციხეში, ახალქალაქსა და ნინოწმინდაში 20 გრანტი გაიცემა. გრანტის საშუალო მოცულობა 7,000 ლარია (მინიმალური მოცულობა შეადგენს 2,800 ლარს, ხოლო მაქსიმალური — 14,000 ლარს).

კონკურსში მონაწილეობა შეუძლიათ საზოგადოებრივ ორგანიზაციებსა და საინიციატივო ჯგუფებს.

განაცხადების შეტანის ბოლო ვადაა 30 იანვარი.

დამატებითი ინფორმაცია

პრესრელიზი

დახურვის თარიღი:

იანვარი 30, 2023

შესაძლებლობის ტიპი



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,