კონკურსი ჟურნალისტებისა და ბლოგერებისთვის გურიიდან 

საქართველოში ევროკავშირის წარმომადგენლობა მედიის წარმომადგენლებს, სამოქალაქო ჟურნალისტებსა და ბლოგერებს გურიის რეგიონიდან მედიის კონკურსში მონაწილეობის მისაღებად იწვევს.  

კონკურსს, რომლის მიზანიც ადგილობრივი სამოქალაქო საზოგადოების ორგანიზაციების გაძლიერებაა,  გურიის რეგიონული ცენტრი უმასპინძლებს.

კონკურსში მონაწილეობის მსურველებმა უნდა წარმოადგინონ თავიანთი ჟურნალისტური ნამუშევრები, რომლებიც გურიის მედიასაშუალებებში გამოქვეყნდა. პუბლიკაციები უნდა ასახავდეს სამოქალაქო აქტივისტების საქმიანობას სოციალურ, სამოქალაქო აქტივიზმის და სამოქალაქო პასუხისმგებლობის სფეროებში. 

განაცხადების შეტანის ბოლო ვადაა 2022 წლის 20 ივლისი.

საუკეთესო ნამუშევრების ავტორები 300 ლარის ოდენობის სასაჩუქრე ვაუჩერებს მიიღებენ. 

დამატებითი ინფორმაცია

პრესრელიზი