აღმოსავლეთ პარტნიორობის ევროპული სკოლა თბილისში: დაიწყო კონკურსი 2023/24 სასწავლო წლის სტიპენდიების მოსაპოვებლად
დეკემბერი 19, 2022

აღმოსავლეთ პარტნიორობის ევროპული სკოლა თბილისში: დაიწყო კონკურსი 2023/24 სასწავლო წლის სტიპენდიების მოსაპოვებლად


თბილისში მდებარე „ახალი სკოლა“, ევროკავშირის და საერთაშორისო ბაკალავრიატის მხარდაჭერით, აცხადებს 2023/2024 სასწავლო წლის კონკურსს აღმოსავლეთ პარტნიორობის ევროპული სკოლის სასტიპენდიო პროგრამაზე.

კონკურსში მონაწილეობა შეუძლიათ აზერბაიჯანში, ბელარუსში, მოლდოვის რესპუბლიკაში საქართველოში, სომხეთსა და უკრაინაში მცხოვრებ მოსწავლეებს, რომელთაც 16-17 წელი 2023 წლის 1 სექტემბრამდე შეუსრულდათ.

კონკურსის საფუძველზე შეირჩევა 20 მოსწავლე, რომლებსაც საერთაშორისო ბაკალავრიატის (IB) ევროპული სადიპლომო პროგრამის გასავლელად სრული სტიპენდია მიენიჭებათ.

განაცხადების შეტანის ბოლო ვადაა 2023 წლის 16 მარტი.

ევროკავშირის მიერ დაფინანსებული აღმოსავლეთ პარტნიორობის ევროპული სასკოლო პროგრამის მიზანი აღმოსავლეთ პარტნიორობის ექვსივე ქვეყანაში მცხოვრები მოსწავლეებისთვის მაღალი ხარისხის საშუალო განათლების მიღების შესაძლებლობის მიცემაა.

სასტიპენდიო პროგრამა 2018 წელს დაიწყო და მას შემდეგ 2-წლიანი სრული სტიპენდია ექვსივე ქვეყნის 145-მა მოსწავლემ მოიპოვა. 2022 წლისათვის ევროპული სკოლა საერთაშორისო ბაკალავრიატის დიპლომით მოსწავლეთა სამმა ნაკადმა დაამთავრა — მთლიანობაში, 105-მა მოსწავლემ, რომელთა შორის 72 გოგო და 33 ბიჭია. სკოლის კურსდამთავრებულებმა სწავლა ისეთ მრავალფეროვან სფეროებში გააგრძელეს, როგორებიცაა ეკონომიკა, ბიოქიმიური ინჟინერია, ფიზიკა, სოციალური მეცნიერებები, ხელოვნება და კულტურა, მედია და კომუნიკაციები, საერთაშორისო ურთიერთობები და მსოფლიო პოლიტიკა, მედიცინა, სამართალი, ჰუმანიტარული მეცნიერებები და კომპიუტერული მეცნიერებები.

აღმოსავლეთ პარტნიორობის ევროპული სკოლის ახალი შენობა თბილისის მახლობლად, ლისის ტბის მიმდებარედ ამჟამად შენდება. ის მოსწავლეებს კარს 2024 წლის სექტემბერში გაუღებს.

სკოლის და საკონკურსო შერჩევის პროცესის შესახებ დამატებითი ინფორმაცია შეგიძლიათ იხილოთ ჩვენს ვებსაიტზე. მასალა ხელმისაწვდომია ქართულ, ინგლისურ და სომხურ ენებზე.

დამატებითი ინფორმაცია

პრესრელიზი

დახურვის თარიღი:

მარტი 16, 2023

შესაძლებლობის ტიპი


თემაზე

ონლაინ კურსი ფრილანსერობის შესაძლებლობებზე ქვემო ქართლის, კახეთის და გურიის რეგიონებში მცხოვრებლებისთვის
იანვარი 31, 2023

ონლაინ კურსი ფრილანსერობის შესაძლებლობებზე ქვემო ქართლის, კახეთის და გურიის რეგიონებში მცხოვრებლებისთვის

EU4Culture ხელოვნების და კულტურის სფეროს წარმომადგენლებისთვის მობილობის გრანტების კონკურსს აცხადებს
იანვარი 31, 2023

EU4Culture ხელოვნების და კულტურის სფეროს წარმომადგენლებისთვის მობილობის გრანტების კონკურსს აცხადებს

ევროპის მემკვიდრეობის დღეების ისტორიების კონკურსისთვის განაცხადების მიღება დაიწყო
იანვარი 25, 2023

ევროპის მემკვიდრეობის დღეების ისტორიების კონკურსისთვის განაცხადების მიღება დაიწყო

Erasmus+: ტარტუს უნივერსიტეტი ევროკავშირ-რუსეთის ურთიერთობებსა და აღმოსავლეთ პარტნიორობაზე ონლაინ კურსს იწყებს
იანვარი 25, 2023

Erasmus+: ტარტუს უნივერსიტეტი ევროკავშირ-რუსეთის ურთიერთობებსა და აღმოსავლეთ პარტნიორობაზე ონლაინ კურსს იწყებს

<strong>სასწავლო ინიციატივა, „ევროპული სოციალური დოკუმენტური კინო“ ქართული მედიის წარმომადგენლებს კონკურსში იწვევს </strong>
იანვარი 24, 2023

სასწავლო ინიციატივა, „ევროპული სოციალური დოკუმენტური კინო“ ქართული მედიის წარმომადგენლებს კონკურსში იწვევს 


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,