მიიღეთ მონაწილეობა ჩვენს ფოტოკონკურსში და მოიგეთ 1,000 ევრო

EU NEIGHBOURS east პროგრამა, FOTOFESTIWAL– თან პარტნიორობით, იწვევს პროფესიონალ ფოტოგრაფებს აზერბაიჯანიდან, ბელარუსიდან, მოლდოვის რესპუბლიკიდან, საქართველოდან, სომხეთიდან და უკრაინიდან ევროკავშირის მიერ დაფინანსებულ ფოტოკონკურსში, თემაზე „ოჯახური კავშირები“. გამარჯვებულებს 1,000 ევროს ოდენობის პრიზი გადაეცემათ.

განაცხადების შეტანის ბოლო ვადაა 2023 წლის 23 იანვარი. 

„ოჯახური კავშირები“

როგორ გვაკავშირებს ჩვენი ოჯახი ჩვენს ფესვებთან, კულტურასთან, ტრადიციებთან და მომავალთან? რომელი კავშირები განსაზღვრავს ოჯახს და გვაძლევს მიკუთვნებულობის გრძნობას? როგორ ერგება ეს კავშირები ცვალებად სამყაროს, ტექნოლოგიას, კონფლიქტებს, სიყვარულსა და დანაკარგს?

პანდემიური შეზღუდვებისა და ომის შედეგად, ოჯახური კავშირების მნიშვნელობა და სიმყიფე დღეს განსაკუთრებით ცხადი გახდა. ამ ყველაფრის გათვალისწინებით, კონკურსი იწვევს ფოტოგრაფებს, წარმოადგინონ 8-20 ფოტოსგან შემდგარი სერიები, რომლებიც თემის, „ოჯახური კავშირები“, გარშემო მათ მხატვრულ, სოციალურ და, უპირველეს ყოვლისა, პირად ინტერპრეტაციებს ასახავს.

კონკურსის მოკლე სიაში მოხვედრილების ვინაობა 2023 წლის თებერვლის ბოლოსკენ გახდება ცნობილი. გამარჯვებულები კი 2023 წლის მარტში გამოვლინდებიან. 

1,000  ევროს ოდენობის პრიზი გადაეცემა თითო გამარჯვებულს თითოეული ქვეყნიდან (აზერბაიჯანიდან, ბელარუსიდან, მოლდოვის რესპუბლიკიდან, საქართველოდან, სომხეთიდან და უკრაინიდან). გარდა ამისა, გამარჯვებულების ინტერვიუები EU NEIGHBOURS east-ის ვებსაიტზე გამოქვეყნდება. 

დამატებითი ინფორმაცია

კონკურსის გვერდი