ევროპული საბჭო: ერთობლივი მუშაობის ორმოცდაათი წელი
ევროპულმა საბჭომ გამოაქვეყნა სპეციალური გვერდი, რომელიც აღწერს მისი შექმნის და ევროკავშირის სტრატეგიულ ინსტიტუციად ჩამოყალიბების ისტორიას.
გვერდზე განმარტებულია, თუ როგორ განვითარდა ევროპული საბჭო სამიტების საფუძველზე ექვსი სახელმწიფოს ან მთავრობის მეთაურის მონაწილეობით, რომელთაც მეორე მსოფლიო ომის შემდეგ ევროპულ თანამეგობრობებს ჩაუყარეს საფუძველი. ევროპის პირველი სამიტი 1961 წლის თებერვალში პარიზში გაიმართა.
საფრანგეთის პრეზიდენტ ვალერი ჟისკარ-დ’ესტენის მიწვევით 1974 წლის
9 და 10 დეკემბერს სახელმწიფოს ან მთავრობის მეთაურები შეიკრიბნენ პარიზის კიდევ ერთ სამიტზე, რომელიც მოგვიანებით ევროპული საბჭოს დაარსების მომენტად ინება აღიარებული.
სამიტის შემდეგ ჟისკარ-დ’ესტენმა პრესასთან განაცხადა: „ევროპული სამიტი მკვდარია, დიდხანს სიცოცხლე ევროპული საბჭოს!“
გვერდზე ასევე მოთხრობილია ხელშეკრულებების მიღების შესახებ, რომელთა საშუალებით გაიზარდა ევროპულ საბჭოს უფლებამოსილებები და მისი ეფექტიანობა.
გარდა ამისა, გვერდზე აღწერილია ის პრობლემები, რომლებიც იდგა ევროკავშირის წინაშე, მათ შორის მიგრაციული კრიზისი, ბრექსითი, COVID-19 და რუსეთის აგრესიული ომი უკრაინის წინააღმდეგ.
„მას შემდეგ, რაც 2022 წელს რუსეთმა დაიწყო სრულმასშტაბიანი აგრესიული ომი უკრაინის წინააღმდეგ, ევროპულმა საბჭომ მიიღო მნიშვნელოვანი გადაწყვეტილებები სტრატეგიული დამოკიდებულებების შესამცირებლად, ევროკავშირის რუსულ გაზზე დამოკიდებულების ეტაპობრივად აღმოფხვრის მიზნით და თავდაცვისუნარიანობის გასაძლიერებლად“, — აღნიშნულია გვერდზე. „ამჟამად უკრაინა და მოლდოვა ევროკავშირის წევრობის კანდიდატი ქვეყნები არიან“.
ამ გვერდზე ასევე წარმოდგენილია ინფორმაცია ევროპული საბჭოს ყოფილი და ამჟამინდელი პრეზიდენტების შესახებ, და მნიშვნელოვანი ფაქტები და რიცხვებია მოყვანილი.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
