ევროკავშირის მხარდაჭერით კახეთში დასაქმების ფორუმი გაიმართა
21 ივნისს კახეთში, თელავის ვაჟა-ფშაველას სახელობის პროფესიულ სახელმწიფო დრამატულ თეატრში დასაქმების ფორუმი გაიმართა. ღონისძიება ევროკავშირის ფინანსური მხარდაჭერით იყო ორგანიზებული.
დასაქმების ფორუმის მიზანი იძულებით გადაადგილებული, სამუშაო გამოცდილების არმქონე თუ ხანგრძლივი პერიოდის განმავლობაში დაუსაქმებელი პირების, მოწყვლადი ჯგუფებისა და ახალგაზრდების დასაქმების ხელშეწყობა გახლდათ.
ფორუმზე 35-მა მცირე, საშუალო და მსხვილმა კომპანიამ დასაქმებისა და სტაჟირების პროგრამებისთვის 120-მდე ვაკანსია წარადგინა. ღონისძიებაში სამუშაოს 300-ზე მეტმა მაძიებელმა მიიღო მონაწილეობა. მათ მიეცათ შესაძლებლობა, შეხვედროდნენ პოტენციურ დამსაქმებლებს, შეეტანათ განაცხადი წარდგენილ ვაკანსიებზე და წარმოეჩინათ საკუთარი უნარები პირდაპირი კომუნიკაციის გზით.
ღონისძიებას ესწრებოდნენ საქართველოში ევროკავშირის წარმომადგენლობის, დასაქმების ხელშეწყობის სახელმწიფო სააგენტოს, პროფესიული სასწავლებლების, საზოგადოებრივი ორგანიზაციების, ადგილობრივი თვითმმართველობის თუ ადგილობრივი ბიზნესების წარმომადგენლები, დამსაქმებლები, სამუშაოს მაძიებლები და სხვა დაინტერესებული პირები.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
