ევროკავშირის ინიციატივა, „საქართველო მწვანე მომავლისკენ“, სკოლებში ვორქშოპების სერიას მართავს

ევროკავშირის მიერ დაფინანსებული ინიციატივა, „საქართველო მწვანე მომავლისკენ“, კამპანიის, „აირჩიე გონივრულად“, ფარგლებში საქართველოს სკოლებში ვორქშოპების სერიას მართავს.

ინტერაქციული ვორქშოპი, „მწვანე საწყისები“, რომელიც ტექსტილის ცირკულარულობაზე ფოკუსირდება, სოციალურ საწარმო „ვინტილატორთან“ პარტნიორობით ტარდება.

პირველი ვორქშოპი 18-19 მარტს გორში გაიმართა და მასში მონაწილეობა ხუთი სკოლის 30-მდე მოსწავლემ მიიღო. 

ინტერაქციული სასწავლო სესიებისა და ვიდეო-სახელმძღვანელოების საშუალებით მოსწავლეები სწავლობენ, როგორ გადააფასონ,  შეაკეთონ და ხელახლა გამოიყენონ  ნივთები. 

ვორქშოპები მთელი საქართველოს მასშტაბით ჩატარდება.

პროექტის, „საქართველო მწვანე მომავლისკენ“, ფარგლებში ასევე იმართება ციფრული გამოწვევა „აირჩიე გონივრულად“, რომელიც ყოველდღიურ ცხოვრებაში ცირკულარულობის ხელშემწყობი არჩევანის მნიშვნელობას გამოკვეთს. 

დამატებითი ინფორმაცია

პრესრელიზი

„საქართველო მწვანე მომავლისკენ“: შეუერთდით ევროკავშირის ციფრულ გამოწვევას, „აირჩიე გონივრულად“