ევროკავშირი შავ ზღვაში წყალქვეშა ელექტროკაბელის გაყვანის ინიციატივას მიესალმება
დეკემბერი 20, 2022

ევროკავშირი შავ ზღვაში წყალქვეშა ელექტროკაბელის გაყვანის ინიციატივას მიესალმება


ევროკავშირი მზად იქნება, ფინანსური მხარდაჭერა გაუწიოს შავ ზღვაში ელექტროენერგიის გადამცემი წყალქვეშა კაბელის გაყვანის პროექტს, განაცხადა ევროკომისიის პრეზიდენტმა, ურსულა ფონ დერ ლაიენმა  17 დეკემბერს რუმინეთის დედაქალაქში, ბუქარესტში სიტყვით გამოსვლისას. ეს სიტყვა მან აზერბაიჯანს, საქართველოს, უნგრეთსა და რუმინეთს შორის ელექტროკაბელის გაყვანაზე ოთხმხრივი შეთანხმების ხელმოწერის ღონისძიებაზე წარმოთქვა. 

ფონ დერ ლაიენის თანახმად, ეს შეთანხმება ევროკავშირს სამხრეთ კავკასიელ პარტნიორებთან დააახლოებს და ორივე რეგიონს განახლებად ენერგიაზე გადასვლაში დაეხმარება. „რუსეთის ომის დაწყების შემდეგ ჩვენ გადავწყვიტეთ, უარი გვეთქვა რუსულ წიაღისეულ საწვავზე და დავყრდნობოდით მეტად სანდო პარტნიორებს — ისეთებს, როგორებიც ამ მაგიდის გარშემო სხედან“, — განაცხადა ევროკომისიის პრეზიდენტმა.

მან დასძინა, რომ ეს ინიციატივა გააძლიერებს ენერგოუსაფრთხოებას ევროპაში, ხოლო საქართველოს, მოლდოვას და უკრაინას ახალ შესაძლებლობებს მისცემს: „ეს პროექტი უდიდეს სარგებელს მოუტანს საქართველოს, ევროპული მისწრაფების მქონე ქვეყანას. მას შეუძლია, საქართველო ელექტროენერგიის ჰაბად აქციოს და ევროკავშირის შიდა ენერგობაზარს შეუერთოს. ამასთან, შავი ზღვის წყალქვეშა ელექტროენერგიის კაბელს შეუძლია, ელექტროენერგიის მიღებაში დაეხმაროს ჩვენს მეზობლებს მოლდოვასა და დასავლეთ ბალკანეთში, ხოლო უკრაინას ენერგოსისტემის აღდგენის დაწყება გაუადვილოს“.

დამატებითი ინფორმაცია

პრესრელიზი


თემაზე

საქართველოში ევროკავშირის სადამკვირვებლო მისიის ახალი ხელმძღვანელი დაინიშნა
თებერვალი 2, 2023

საქართველოში ევროკავშირის სადამკვირვებლო მისიის ახალი ხელმძღვანელი დაინიშნა

ევროკავშირის და UNDP-ის კვლევა: საქართველოში ლგბტქი+ პირების  პერსონალურ მონაცემებს ხშირად ემუქრება გასაჯაროება
თებერვალი 2, 2023

ევროკავშირის და UNDP-ის კვლევა: საქართველოში ლგბტქი+ პირების  პერსონალურ მონაცემებს ხშირად ემუქრება გასაჯაროება

თბილისში მშვიდობის ჟურნალისტიკაში 2021 წლის სპეციალური პრიზის მფლობელის დოკუმენტური ფილმის პრემიერა გაიმართა
იანვარი 31, 2023

თბილისში მშვიდობის ჟურნალისტიკაში 2021 წლის სპეციალური პრიზის მფლობელის დოკუმენტური ფილმის პრემიერა გაიმართა

EIB Global-სა და კრედო ბანკს შორის მცირე ბიზნესის მხარდასაჭერად 10 მილიონი ევროს მოცულობის სასესხო ხელშეკრულება გაფორმდა
იანვარი 31, 2023

EIB Global-სა და კრედო ბანკს შორის მცირე ბიზნესის მხარდასაჭერად 10 მილიონი ევროს მოცულობის სასესხო ხელშეკრულება გაფორმდა

ჯანმოს და ევროკავშირის ახალი პლატფორმა: გაეცანით COVID-19-ის საწინააღმდეგო ვაქცინებზე ინფორმაციას ქართულ ენაზე
იანვარი 30, 2023

ჯანმოს და ევროკავშირის ახალი პლატფორმა: გაეცანით COVID-19-ის საწინააღმდეგო ვაქცინებზე ინფორმაციას ქართულ ენაზე


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,