Հայաստանում ԵՄ պատվիրակությունում վճարվող փորձնակության հնարավորություն երիտասարդ շրջանավարտների համար 

Հայաստանում ԵՄ պատվիրակության գործառնությունների բաժինն առաջարկում է մինչև վեց ամիս տևողությամբ վճարվող փորձնակություն, որի մեկնարկը նախատեսված է 2022 թ. հոկտեմբերի 17-ին։

Պատվիրակությունը սպասում է դիմումների Հայաստանում բնակվող երիտասարդ շրջանավարտներից, ովքեր հետաքրքրված են միջազգային հարաբերություններով և ցանկանում են իմանալ ավելին դիվանագիտական առաքելությունների մասին։

Դիմումատուն պետք է ունենա առնվազն մագիստրոսական աստիճան հաղորդակցության, լրագրության, զարգացման, կլիմայի փոփոխության և շրջակա միջավայրի կամ հարակից այլ ոլորտներում, ինչպես նաև վարժ տիրապետի հայերեն և անգլերեն լեզուներին։ Ռուսերենի իմացությունը և այդ լեզվով աշխատելու ունակությունը կդիտվի որպես առավելություն։

Փորձնակն աջակցելու է բաժնի տեղեկատվական և հաղորդակցական աշխատանքների նախապատրաստմանը, ինչպես նաև կլիմայի փոփոխության և կանաչ տնտեսության ոլորտներում զարգացման նախագծերի մշակմանն ու իրականացմանը։

Դիմումների ընդունման վերջնաժամկետը 2022 թ. օգոստոսի 31-ն է։

Իմացիր ավելին 

Մամուլի հաղորդագրություն