Միացե՛ք Եվրոպական հանձնաժողովին հոկտեմբերին՝ դառնալով Blue Book ծրագրի փորձնակ
Փետրվարի 19-ին, ժամը 10:00-ին (ԿԵԺ) Եվրոպական հանձնաժողովը կսկսի իր երկու ամենամյա փորձնակության ծրագրերից մեկի համար հայտերի ընդունումը։
2024 թվականի հոկտեմբերին մեկնարկող փորձաշրջանը կտեւի հինգ ամիս եւ դիմորդներին հնարավորություն կտա հավակնել շուրջ 1000 պաշտոնների Հանձնաժողովի բազմաթիվ ստորաբաժանումներում, ծառայություններում եւ գործակալություններում, որոնք տեղաբաշխված են Բրյուսելի, Լյուքսեմբուրգի եւ ԵՄ անդամ 27 երկրների ազգային բյուրոների միջեւ:
Դիմելու իրավասություն ունեն ԵՄ անդամ բոլոր երկրների քաղաքացիները։ Սահմանափակ թվով տեղեր են նախատեսված ԵՄ անդամ չհանդիսացող երկրների, այդ թվում՝ Արեւելյան գործընկերության քաղաքացիների համար։
Փորձնակության ծրագրերը բաժանվում են երկու տեսակի՝ վարչական փորձնակություն եւ թարգմանչական փորձնակություն՝ հատուկ Թարգմանությունների գլխավոր տնօրինության (DGT) համար: Եվրոպական հանձնաժողովի համատեղ հետազոտական կենտրոնում էլ գիտական փորձնակության հնարավորություն կա։
Դիմորդները պետք է ունենան բակալավրի կամ համարժեք աստիճան, չունենան վեց շաբաթը գերազանցող աշխատանքային փորձ ԵՄ հաստատություններում եւ վարժ տիրապետեն ԵՄ առնվազն երկու լեզուների, որոնցից մեկը՝ անգլերեն, ֆրանսերեն կամ գերմաներեն:
Ակնկալվում է, որ փորձնակները կունենան Եվրոպային առնչվող հիմնահարցերի վերաբերյալ անաչառ մոտեցում, Հանձնաժողովի աշխատանքի նկատմամբ հետաքրքրություն, ինչպես նաեւ նախաձեռնողականություն եւ բազմամշակութային միջավայրում աշխատելու պատրաստակամություն:
Ընտրված փորձնակները կստանան 1,376.89 եվրո դրամաշնորհ՝ իրենց կեցության ծախսերը հոգալու համար, բայց կացարանի ապահովության հարցով պետք է զբաղվեն սեփական նախաձեռնությամբ։
Փորձնակի ամենօրյա աշխատանքը ենթադրում է տարբեր առաջադրանքների կատարում, ներառյալ հանդիպումների, աշխատանքային խմբերի եւ հանրային լսումների մասնակցությունն ու կազմակերպումը, փաստաթղթերի ուսումնասիրությունը, քաղաքացիների հարցումներին պատասխանելը եւ նախագծերի կառավարմանն աջակցելը:
Դիմումները կընդունվեն Եվրոպական հանձնաժողովի վավերացման ծառայության (EU Login) միջոցով, որտեղ դիմորդները պետք է գրանցվեն:
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
Իռլանդիան խոստանում է աջակցել Ուկրաինային եւ թեկնածու երկրներին ԵՄ Խորհրդի նախագահությունը ստանձնելիս
Հայաստանում մեկնարկել է ԵՄ կողմից ֆինանսավորվող ծրագիր՝ ուղղված քաղաքացիական հասարակության հզորացմանը
Ֆոն դեր Լայենը հայտարարում է նոր ֆինանսավորման եւ առեւտրի ինքնավար միջոցառումների մասին՝ Հայաստանի՝ Եվրոպական միություն արտահանման գրեթե 80 տոկոսն ազատականացնելու նպատակով
ԵՄ ֆինանսավորմամբ իրականացված «Գործընկերություն հանուն Սյունիքի» ծրագիրն ամփոփել է իր արդյունքները
EU4Innovation East. Արեւելյան գործընկերության ստարտափները՝ Փարիզում կայացած VivaTech 2026 ցուցահանդեսի կենտրոնում
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
