Şərq Tərəfdaşlığı vətəndaş cəmiyyəti təşkilatları üçün qrantlar

Transatlantik Fondu (TF) ABŞ-ın Alman Marşal Fondunun Qara Dəniz Regional Əməkdaşlıq Proqramı ilə birgə Şərq Tərəfdaşlığı ölkələrində fəaliyyət göstərən vətəndaş cəmiyyəti təşkilatlarından (VCT-lər) layihə təkliflərinin qəbuluna başlayıb. Məqsəd ŞT regionunda yerləşən VCT-lərin dayanıqlığının artırılmasına yönəlmiş proqramların həyata keçirilməsidir. 

Layihə təkliflərinin qəbuluna Avropa Komissiyası tərəfindən maliyyələşdirilən və Transatlantik Fondunun (TF) rəhbərlik etdiyi “Şərq Tərəfdaşlığında Vətəndaş Cəmiyyətinin Dayanıqlığının Artırılması (ERICS-EaP) layihəsi çərçivəsində başlanıb.

Əsas məqsəd VCT-ləri geosiyasi, dezinformasiya və ya rəqəmsal təhlükəsizlik və ya hər bir ölkəyə xas çətinliklər (daxili siyasi, hüquqi məhdudiyyətlər, siyasi mədəniyyət və s.) daxil olmaqla regionda mövcud çətinliklərin təsirini azaltmaq üçün VCT-ləri lazımi bilik və bacarıqlarla təmin etməkdir.

VCT-lər potensialın artırılmasına yönəlmiş müxtəlif tədbirlərin maliyyələşdirilməsi üçün müraciət edə bilərlər. Transsərhəd fəaliyyətlər və şəbəkələrin qurulması üzrə layihələr arzuolunandır.

Bu layihə təkliflərinin qəbulunda maksimum altı ay müddətini əhatə edən layihələr üçün 20 000 avro qrant yardımının ayrılması nəzərdə tutulur.

Müraciətlərin təqdim olunması üçün son tarix mart ayının 1-dir.

Daha çox öyrən

Mətbuat üçün açıqlama