Կառուցելով դիմակայուն քաղաքացիական հասարակություն. կարողությունների զարգացման դրամաշնորհներ ԱլԳ երկրների ՔՀԿ-ների համար

Տրանսատլանտյան հիմնադրամը՝ Ամերիկայի Միացյալ Նահանգների Գերմանական Մարշալ հիմնադրամի «Տարածաշրջանային համագործակցության սեւծովյան հիմնադրամ» ծրագրի հետ համագործակցությամբ մեկնարկել է հատուկ Արեւելյան գործընկերության (ԱլԳ) երկրների քաղաքացիական հասարակության կազմակերպությունների (ՔՀԿ) համար նախատեսված հայտամրցույթ՝ ԱլԳ տարածաշրջանի ՔՀԿ-ների դիմակայունության բարձրացմանն ուղղված կարողությունների զարգացման ծրագրեր իրականացնելու համար։

Սույն մրցույթը հայտարարվել է «Քաղաքացիական հասարակության դիմակայունության բարձրացում Արեւելյան գործընկերությունում» (ERICS-EaP) ծրագրի շրջանակում։ Այն ֆինանսավորվում է Եվրոպական հանձնաժողովի կողմից եւ ղեկավարվում է Տրանսատլանտյան հիմնադրամի կողմից։

Մրցույթի հիմնական նպատակն է ՔՀԿ-ներին զինել գիտելիքներով եւ գործիքներով՝ օգնելու նրանց հաղթահարել այնպիսի մարտահրավերներ, ինչպիսիք են աշխարհաքաղաքական ռիսկերը, ապատեղեկատվությունը, թվային անվտանգության սպառնալիքները, քաղաքական հետապնդումները եւ շարունակվող հակամարտությունները։

ՔՀԿ-ները կարող են դիմել ֆինանսավորման համար՝ աջակցելու կարողությունների զարգացման տարբեր գործողությունների. դասընթացներ, սեմինարներ կամ ուսուցման հնարավորություններ։ Խրախուսվում են միջսահմանային գործունեությանն ու գործնական կապերի ընդլայնմանն ուղղված գործողությունները։

Դրամաշնորհի չափը յուրաքանչյուր ծրագրի համար կազմում է 20,000 եվրո (տեւողությունը՝ մինչեւ 6 ամիս)

Դիմումների ընդունման վերջնաժամկետը 2025 թվականի մարտի 1-ն է։

Իմացիր ավելին

Մամուլի հաղորդագրություն