Şərq Tərəfdaşlığı ölkələrindən olan gənc jurnalist və bloggerlər üçün Almaniya mediasında təqaüd proqramı

Beynəlxalq Jurnalist Proqramı (Internationale Journalisten-Programme / IJP) Azərbaycan, Belarus, Ermənistan, Gürcüstan, Moldova və Ukraynadan olan gənc jurnalistləri Marion Qrafin Dönhoff adına təqaüd proqramında iştirak etməyə dəvət edir. 

İki ay ərzində (oktyabr-noyabr) bu ölkələrin gənc jurnalistləri və bloggerləri Almaniya KİV-lərinin birində təcrübə keçmək imkanı qazanacaqlar. Bu, onlara Almaniyadakı siyasət, iqtisadiyyat, mədəniyyət və sosial həyat haqqında məlumat almaq imkanı verəcək. Onlar Alman jurnalistika standartları və prinsipləri ilə tanış olacaqlar.

Proqram iştirakçılarına 3 800 avrodan ibarət birdəfəlik təqaüd veriləcək. Bununla onlar Almaniyada səyahət, yaşayış və yemək, tibbi sığorta və viza xərclərini qarşılaya biləcəklər. KİV-də görülən işlər üçün heç bir ödəniş verilməyəcək.  

Proqram uzun illər Almaniyanın milli həftəlik “Die Zeit” qəzetinin naşiri olmuş Marion Dönhoffun (1909 – 2002) adını daşıyır. 

Müraciət üçün son tarix iyunun 25-dir.

Daha çox öyrən

Mətbuat üçün açıqlama