სტაჟირება გერმანულ მედიაში ახალგაზრდა ჟურნალისტებისა და ბლოგერებისთვის აღმოსავლეთ პარტნიორობის ქვეყნებიდან

ჟურნალისტთა საერთაშორისო პროგრამა (Internationale Journalisten-Programme / IJP) ახალგაზრდა ჟურნალისტებს აზერბაიჯანიდან, ბელარუსიდან, მოლდოვიდან, საქართველოდან, სომხეთიდან და უკრაინიდან მარიონ დონჰოფის სახელობის სტიპენდიის მოსაპოვებლად იწვევს. 

შერჩეული ახალგაზრდა ჟურნალისტები და ბლოგერები გერმანულ საინფორმაციო საშუალებაში ორთვიან (ოქტომბერ-ნოემბერი) სტაჟირებას გაივლიან. ისინი გერმანიის პოლიტიკას, ეკონომიკას, კულტურას თუ საზოგადოებრივ ცხოვრებას გაეცნობიან და გერმანული ჟურნალისტიკის სტანდარტებსა და პრინციპებში გაერკვევიან.

3,800 ევროს ოდენობის სტიპენდია ერთჯერადი გადახდით გაიცემა. დაფინანსება დაფარავს მგზავრობის, საცხოვრებლის და კვების ხარჯებს გერმანიაში, ასევე ჯანმრთელობის დაზღვევას და სავიზო გადასახადს. მასპინძელ მედიაში მუშაობისთვის ანაზღაურება არ გაიცემა.

პროგრამას სახელი ეწოდა მარიონ დონჰოფის (1909-2002) პატივსაცემად, რომელიც მრავალი წლის განმავლობაში გამოსცემდა გერმანულ ეროვნულ ყოველკვირეულ გაზეთს, „Die Zeit“.

განაცხადების შეტანის ბოლო ვადაა 25 ივნისი.

დამატებითი ინფორმაცია

პრესრელიზი