Գերմանական լրատվամիջոցներում պրակտիկայի հնարավորություն Արևելյան գործընկերության երկրների երիտասարդ լրագրողների և բլոգերների համար

«Միջազգային լրագրողական ծրագրեր» նախաձեռնությունը (Internationale Journalisten-Programme/IJP) հրավիրում է երիտասարդ լրագրողների Հայաստանից, Ադրբեջանից, Բելառուսից, Վրաստանից, Մոլդովայից և Ուկրաինայից՝ մասնակցելու «Մարիոն Գրաֆին Դոնհոֆ» կրթաթոշակային ծրագրին:

Նշված երկրները ներկայացնող երիտասարդ լրագրողներն ու բլոգերները երկու ամիս (հոկտեմբեր-նոյեմբեր) շարունակ պրակտիկա կանցնեն գերմանական լրատվամիջոցներից մեկում: Սա նրանց հնարավորություն կտա պատկերացում կազմել Գերմանիայում քաղաքականության, տնտեսության, մշակույթի և հասարակական կյանքի մասին և կծանոթացնի գերմանական լրագրողական չափանիշներին և սկզբունքներին:

Կրթաթոշակը 3,800 եվրոյի չափով միանվագ վճար է: Միջոցները կծածկեն Գերմանիայում ճանապարհորդության, կեցության և սննդի, առողջության ապահովագրության և վիզայի ծախսերը: Հյուրընկալող լրատվամիջոցում աշխատանքի դիմաց վարձատրություն չի նախատեսվում:

Ծրագիրը կրում է Մարիոն Դոնհոֆի անունը (1909-2002), որը երկար տարիներ հրատարակել է գերմանական «Die Zeit» շաբաթաթերթը։

Դիմումների ընդունման վերջնաժամկետն է հունիսի 25-ը։

Իմացիր ավելին

Մամուլի հաղորդագրություն