Qlobal problemlərin həllində maraqlı olan 28 yaşadək gənclər “#YCM Challenge 2026” layihəsinə dəvət olunur

Beynəlxalq gənclər təşəbbüsü olan “#YCM Challenge” dünyanın dörd bir yanından 16–27 yaş arası gəncləri qlobal problemlərin həlli istiqamətində öz layihələrini hazırlamağa və təqdim etməyə çağırır. Avropa İttifaqının “Erasmus+” proqramı tərəfindən birgə maliyyələşdirilən bu fəaliyyət gənclərə üç əsas istiqamət (ekoloji dayanıqlıq, təhsil, hüquqlar və rifah) üzrə icma əsaslı praktiki həllər hazırlamaq imkanı yaradır.

“#YCM Challenge” layihəsi 2–26 mart tarixlərində dünyanın müxtəlif ölkələrindən olan gənclərdən ibarət silsilə müzakirə qrupları ilə öz işinə başlayacaq. Bundan sonra iştirakçılar beynəlxalq komandalar (ən azı iki nəfərdən ibarət) yaradaraq müəyyən edilmiş problemlərə innovativ həll yolları hazırlayacaq və 8–30 aprel tarixlərində layihələrini beynəlxalq ekspertlərdən ibarət münsiflər heyətinə təqdim edəcəklər. 

Layihənin son mərhələsi olan “#YCM in Action” (YCM fəaliyyətdə) çərçivəsində isə iştirakçılar 2026-cı ilin may ayından dekabr ayınadək layihələrini bir və ya bir neçə məkanda tətbiq etmək üçün mentorluq dəstəyi alacaqlar. Ən yaxşı ideyaların reallaşdırılması üçün ilkin olaraq 400 avro maliyyə vəsaiti ayrılacaq. Məqsəd layihələrin və ya prototiplərin hazırlanmasını və icrasını dəstəkləməkdir.

Müraciət etmək üçün bu onlayn formanı doldurun.

Müraciətlərin qəbulu üçün son tarix 27 fevraldır.

Daha çox öyrənin

Elan

Qeydiyyat