EU4Dialogue Cənubi Qafqaz və Moldovadan olan tarixçilər üçün yay məktəbi təşkil edir

Aİ tərəfindən maliyyələşdirilən EU4Dialogue layihəsi çərçivəsində 12-18 avqust 2023-cü il tarixlərində Finlandiyanın Tampere şəhəri yaxınlığında Cənubi Qafqaz və Moldovadan olan gənc tarixçilər üçün bir həftəlik yay məktəbi təşkil edilir.

“EU4Dialogue: Təhsil və mədəniyyət vasitəsilə ayıran xətlər boyunca mübadilənin təkmilləşdirilməsi” layihəsi və Tampere Universitetindəki Sülh Tədqiqatları İnstitutu (TAPRI) yay məktəbində iştirak etmək istəyən şəxslərin ərizələrini qəbul edir.

Bu təhsil sahəsindəki təşəbbüs Cənubi Qafqaz və Moldovanın gənc tarixçiləri arasında mübadilə, birgə öyrənmə və şəbəkələşməni təşviq etmək məqsədi daşıyır. Bu, onların peşəkar təcrübəsini və tarixi öyrənmək, öyrətmək və təqdim etmək üçün alternativ yollar haqqında biliklərini artırmaq imkanı verəcək. Yay məktəbinin təklif etdiyi tədris imkanları gənc tarixçilərə tarixə münaqişəsiz perspektivdən baxmağa kömək edəcək.

Cənubi Qafqaz və Moldovada (münaqişədən təsirlənmiş regionlar daxil olmaqla) tarixlə bağlı fənlər üzrə magistr və ya doktorantura təhsili alan tələbələr (1-ci və ya 2-ci kurslar) müraciət edə bilərlər. Namizədlər ingilis dilində təhsil almaq və ünsiyyət qurmağı bacarmalıdırlar.

Bütün iştirakçıların səyahət xərcləri, yaşayış, yemək və ekskursiyalar daxil olmaqla bütün xərcləri Aİ tərəfindən maliyyələşdirilən layihə tərəfindən tam ödənilir.

Müraciət üçün son tarix 8 may 2023-cü ildir.

Daha çox öyrən

Mətbuat üçün açıqlama