EU4Culture. Վրաստանի Գյոթե ինստիտուտը փնտրում է հաղորդակցության ղեկավար

Վրաստանի Գյոթե ինստիտուտը (Goethe-Institut Georgien) «EU4Culture II – Կայուն ստեղծագործական էկոհամակարգեր» ծրագրի շրջանակներում փնտրում է նվիրված եւ փորձառու գործընկերոջ՝ հաղորդակցության ղեկավարի պաշտոնի համար։

Պայմանագրի ուժի մեջ մտնելու նախատեսվող ժամկետը 2026 թվականի ապրիլի 20-ն է (ֆիքսված ժամկետով պայմանագիր՝ մինչեւ 2029 թվականի մարտի 31-ը): Աշխատանքը հնարավոր է իրականացնել՝ գտնվելով Վրաստանից սահմաններից դուրս՝ լիարժեք շարժական աշխատանքի ձեւաչափով:

Հաղորդակցության ղեկավարը պետք է մշակի եւ իրականացնի ծրագրի արտաքին հաղորդակցության ռազմավարությունը, համակարգի մասնակից երկրներում հաղորդակցման գործունեությունը, պատրաստի բարձրորակ հաղորդակցման նյութեր եւ այլն։

Հիմնական պահանջներն են՝ 

• հաղորդակցության, լրագրության, հասարակայնության հետ կապերի կամ հարակից ոլորտի մագիստրոսի աստիճան,
• հաղորդակցության, հասարակայնության հետ կապերի կամ լրատվամիջոցների հետ կապերի ոլորտում առնվազն երեք տարվա մասնագիտական ​​​​փորձ (ցանկալի է՝ ոչ առեւտրային, մշակութային կամ միջազգային զարգացման ոլորտներում),
• անգլերենի գերազանց իմացություն (C1+),
• Արեւելյան գործընկերության երկրներից ցանկացած մեկի պաշտոնական լեզվի իմացություն։

Դիմումների ընդունման վերջնաժամկետը 2026 թվականի ապրիլի 8-ն է։

Վրաստանի Գյոթե ինստիտուտը, որը Գերմանիայի Դաշնային Հանրապետության պաշտոնական մշակութային հաստատություն է եւ Վրաստանում ու Հարավային Կովկասում առաջատար միջազգային մշակութային կազմակերպություն, իրականացնում է ԵՄ կողմից ֆինանսավորվող «EU4Culture II — Կայուն ստեղծագործական էկոհամակարգեր Արեւելյան գործընկերությունում» ծրագիրը: Ծրագրի նպատակն է ամրապնդել մշակույթը որպես Արեւելյան գործընկերության երկրներում՝ Հայաստանում, Ադրբեջանում, Վրաստանում, Մոլդովայում, Ուկրաինայում կայուն սոցիալական եւ տնտեսական զարգացման շարժիչ ուժ, ինչպես նաեւ աջակցել Բելառուսի ժողովրդին:

Իմացիր ավելին

Մամուլի հաղորդագրություն