“Enerji İcması Yay Məktəbi 2026”-da iştirak edərək enerji liderlərinə qoşulun

Enerji İcması Katibliyi 10-cu dəfə keçiriləcək Enerji İcması Yay Məktəbi üçün müraciətlərin qəbuluna başlayıb. Tədbir bu dəfə 22–29 avqust 2026-cı il tarixlərində Albaniyanın paytaxtı Tiranada yerləşən Polis Universitetində keçiriləcək.

Universitet tələbələri (magistr və ya doktorantura), tədqiqatçılar və gənc mütəxəssislər üçün nəzərdə tutulmuş bu Yay Məktəbi enerji sistemləri, bazarlar və geosiyasət daxil olmaqla, “təmiz” enerjiyə keçidin texniki, iqtisadi, hüquqi, siyasi və dayanıqlılıq cəhətlərinin dərindən tədqiqinə həsr olunacaq.

Yay Məktəbinin akademik proqramı Albaniyanada energetika sahəsindəki hazırki vəziyyət və daha geniş Enerji icması haqqında ilkin mənbədən hərtərəfli məlumatın təqdim olunacağı mədəni komponent ilə tamamlanacaq.

Enerji İcması Katibliyi yay məktəbi ilə əlaqədar bütün xərcləri qarşılayır. Buraya mühazirələr, yerləşmə, ekskursiyalar və qidalanma daxildir. Seçilmiş iştirakçılar sadəcə yaşadıqları şəhərdən Yay Məktəbinin keçiriləcəyi məkana gəliş-gediş xərcini ödəməlidirlər.

Tədbirdə iştirak etmək üçün maksimum 40 nəfər seçiləcək.
 

İştirakçılar 35 yaşına qədər (1991-ci ildə və ya daha sonra dünyaya gəlmiş) şəxslər olmalıdır. Onlar İngilis dilində sərbəst danışıq və yazı qabiliyyətinə malik olmalı və Azərbaycan, Ermənistan, Gürcüstan, Moldova, Ukrayna və ya digər iştirak hüququna malik ölkələrin vətəndaşı olmalıdırlar.

Müraciətlərin təqdim olunması üçün son tarix 31 martdır.

Daha çox öyrənin

Mətbuat üçün açıqlama