ენერგეტიკული თანამეგობრობის 2026 წლის საზაფხულო სკოლა ენერგოსექტორის მომავალ ლიდერებს იწვევს

ენერგეტიკული თანამეგობრობის სამდივნომ ენერგეტიკული თანამეგობრობის მე-10 საზაფხულო სკოლისთვის განაცხადების მიღება დაიწყო. საზაფხულო სკოლა ალბანეთის დედაქალაქ ტირანაში მდებარე პოლისის უნივერსიტეტში 2026 წლის 22-29 აგვისტოს გაიმართება. 

საზაფხულო სკოლა მაგისტრებს, მკვლევრებსა და დამწყებ პროფესიონალებს სიღრმისეულად გააცნობს ენერგოტრანზიციის ტექნიკურ, ეკონომიკურ, სამართლებრივ, პოლიტიკურ და მდგრადობის მიმართულებებს – მათ შორის, ენერგოსისტემების, ბაზრებისა და გეოპოლიტიკის საკითხებს. 

აკადემიური პროგრამა შეიცავს კულტურულ კომპონენტს, რის შედეგადაც მონაწილეები ალბანეთისა და, ზოგადად, ენერგეტიკული თანამეგობრობის ენერგოსექტორის მდგომარეობას უშუალოდ გაეცნობიან. 

ენერგეტიკული თანამეგობრობის სამდივნო დაფარავს ლექციების, საცხოვრებლის, ექსკურსიებისა და კვების უმეტესი ნაწილის საფასურს. შერჩეულ კანდიდატებს თავიანთი საცხოვრებელი თუ სამუშაო ადგილიდან ტირანამდე სამოგზაურო ხარჯების დაფარვა თავად მოუწევთ. 

საზაფხულო სკოლისთვის მაქსიმუმ 40 მონაწილე შეირჩევა. 

კანდიდატები საზაფხულო სკოლის გამართვის პერიოდისთვის უნდა იყვნენ 35 წლამდე ასაკის (1991 წელს ან მოგვიანებით დაბადებულები); გამართულად უნდა წერდნენ და ლაპარაკობდნენ ინგლისურად; და უნდა იყვნენ საქართველოს, აზერბაიჯანის, მოლდოვის, სომხეთის, უკრაინის ან პროგრამით დაშვებული სხვა ქვეყნების მოქალაქეები. 

განაცხადების მიღების ბოლო ვადაა 2026 წლის 31 მარტი.

დამატებითი ინფორმაცია

პრესრელიზი