Azərbaycanda cəmiyyətin ən həssas qruplarına dəstək: vətəndaş cəmiyyəti təşkilatları layihə təklifləri ilə müraciət edə bilər

Azərbaycanda fəaliyyət göstərən vətəndaş cəmiyyəti təşkilatları Avropa İttifaqının (Aİ) maliyyə dəstəyi ilə icra olunan layihə çərçivəsində Beynəlxalq Qızıl Xaç və Qızıl Aypara Cəmiyyətləri Federasiyasının (IFRC) elan etdiyi müsabiqədə iştirak etməyə dəvət olunurlar.

Müsabiqədə əhalinin ən həssas qrupları, xüsusilə fiziki məhdudiyyətli şəxslər və məcburi köçkünlərə yönəlmiş əsas dolanışıq vasitələrinin və bərpa yönümlü fəaliyyətlərin təmin edilməsində seçilmiş vətəndaş cəmiyyəti təşkilatlarına dəstək veriləcək. Sözügedən dəstək dolanışıq vasitələri və bərpa yönümlü tədbirlər, o cümlədən dolanışıq iş vasitələrinin təmin edilməsi, resursların bərpa edilməsi, məcburi köçkünlərin bacarıqlarının artırılması və yeni gəlir gətirən fəaliyyətlər, eləcə də mikro-sahibkarlıq subyektləri vasitəsilə yaşayış vasitələrinin şaxələndirilməsi formasında olacaq. 

Layihə təkliflərinin son qəbulu tarixi 8 dekabr 2023-cü ildir.

Daha çox öyrən

Mətbuat üçün açıqlama