Azərbaycan: peşə təhsil müəssisələrinin innovativ təşəbbüslərinin dəstəklənməsi üçün müsabiqə elan edilir – ərizələrin son qəbulu tarixi 30 noyabradək uzadılıb

Avropa İttifaqı (Aİ), BMT-nin İnkişaf Proqramı (BMTİP) və Peşə Təhsili üzrə Dövlət Agentliyi (PTDA) Azərbaycanda peşə təhsil müəssisələrinin innovativ təşəbbüslərinin dəstəklənməsi məqsədilə müsabiqə elan edir. Müsabiqə “Gələcək üçün peşə təhsili və təlimi” layihəsi çərçivəsində həyata keçirilir.

Peşə təhsil müəssisələri aşağıda sadalanan prioritet istiqamətlər üzrə layihə təkliflərini təqdim edə bilərlər: 

1) alternativ enerji, enerji resurslarından səmərəli istifadə və enerjidən istifadənin səmərəliliyinin artırılması; 

2) ətraf mühitin mühafizəsi və ekoloji problemlərin aradan qaldırılması üzrə innovativ həllərin yaradılması; 

3) qadınların və qızların, həmçinin sağlamlıq imkanları məhdud şəxslərin və digər həssas qrupların peşə təhsilinə cəlb edilməsi; 

4) kənd təsərrüfatının inkişafını dəstəkləyən layihələr.

“Gələcək üçün peşə təhsili və təlimi” layihəsi tərəfindən müsabiqədə qalib gəlmiş on layihənin icrası üçün tələb olunan material və avadanlıqlarla dəstəklənməsi nəzərdə tutulur. Hər bir layihə təklifinin maksimum büdcə məbləği 15 000 manat təşkil edir.

Ərizələrin son qəbulu tarixi 30 noyabr 2023-cü ildir.

Daha çox öyrən

Mətbuat üçün açıqlama