2026-cı il üzrə İnsan hüquqları müdafiəçiləri üçün Saxarov təqaüd proqramına müraciətlərin qəbuluna başlandı

Avropa Parlamentinin Saxarov təqaüd proqramı Aİ-yə üzv olmayan ölkələrdən olan 14-ə yaxın insan hüquqları müdafiəçisinə Brüsseldə və digər Aİ-yə üzv ölkəsində keçiriləcək ikihəftəlik intensiv təlim proqramında iştirak etmək imkanı yaradır.

Bu proqram 2016-cı ildən etibarən hər il insan hüquqları müdafiəçilərinin hüquq və səlahiyyətlərini artırmaq məqsədilə təşkil edilir. Proqram iştirakçılara Aİ və beynəlxalq insan hüquqları mexanizmləri ilə yaxından tanışlıq, müdafiə (advocacy) və kommunikasiya üzrə təlimlər, təhlükəsizlik, dayanıqlılıq, dezinformasiya və sənədləşdirmə vasitələri ilə tanışlıq, Aİ-nin yüksəksəviyyəli maraqlı tərəfləri ilə görüşmək və Saxarov adına İnsan Hüquqları Müdafiəçiləri Birliyinə qoşulmaq imkanı yaradır. Beləliklə, onlar Avropa Parlamentinin fəaliyyəti ilə yaxından tanış olmaqla müvafiq ölkələrdəki Aİ nümayəndəlikləri ilə əməkdaşlığı davam etdirəcəklər. Təlimdən kənar vaxtlarda isə onların məlumat yayıcısı rolunda çıxış etmələri, öz qabaqcıl təcrübələrini bölüşmələri və həmkarlarına qarşılıqlı dəstək göstərmələri gözlənilir.

Namizədlər QHT-lərdə və ya digər təşkilatlarda, yaxud fərdi şəkildə insan hüquqlarının müdafiəsi üzrə kampaniyalarda iştirak edən şəxslər olmalıdır. Onlar müzakirələrdə və seminarlarda iştirak etmək üçün kifayət qədər İngilis dil biliyinə sahib olmalıdırlar.

Təqaüd proqramı ikitərəfli səyahət xərclərini, proqram müddətində yerləşmə və gündəlik yaşayış xərclərini qarşılayır.

Ərizələrin son qəbulu tarixi 15 fevral 2026-cı ildir.

Daha çox öyrənin

Mətbuat üçün açıqlama