18 oktyabradək Capacity4dev səfirlər proqramına (2024-2025) müraciət edin

Aİ tərəfindən maliyyələşdirilən “Capacity4dev” təşəbbüsü 2024-2025-ci illər üzrə  səfirlər proqramının icrasına başladığını elan edib. 

Avropa Komissiyasının Beynəlxalq Tərəfdaşlıqlar üzrə Baş Direktoratı (INTPA) tərəfindən yaradılan Capacity4dev təşəbbüsü biliklərin bölüşdürülməsinə yönəlmiş platformadır. Onun məqsədi dünyanın müxtəlif yerlərində çalışan inkişaf üzrə mütəxəssisləri əlaqələndirməkdir.

Proqramın səfiri olaraq siz üzvü olduğunuz şəbəkələrdə bilikləri paylaşmaqla və Capacity4dev təşəbbüslərində iştirak etməklə çox vacib rol oynayacaqsınız.

Proqrama Aİ-nin baş qərargahları və nümayəndəliklərində çalışan işçi heyəti ilə yanaşı, sosial şəbəkələrdə fəallığı ilə seçilən Aİ-nin əməkdaşlıq layihələrində iştirak edən mütəxəssislər qoşula bilər.

Hər bir səfirin proqramın icrasına başlandığı tarixdən (2024-cü ilin payız ayları) 12 ay ərzində fəaliyyət göstərməsi planlaşdırılır.

Ərizə ilə müraciət etmək üçün Capacity4dev platformasında qeydiyyatdan keçin (hələ də üzv deyilsinizsə), proqram haqqında daha ətraflı məlumat üçün  Tez-tez verilən suallar bölməsini oxuyun və 18 oktyabr 2024-cü il tarixinə qədər ərizə formasını doldurun.

Daha çox öyrən

Capacity4dev səfirlər proqramı