Cənubi Qafqaz: Aİ Azərbaycan və  Ermənistan liderlərini Brüsseldə bir araya gətirəcək 

Azərbaycan və Ermənistan liderləri 14 may 2023-cü il tarixində Aİ-nin vasitəçiliyi ilə yenidən Brüsseldə üçtərəfli görüşdə iştirak etməyə razılıq veriblər. Avropa İttifaqını görüşdə Avropa İttifaqı Şurasının prezidenti Şarl Mişel təmsil edəcək. Aİ Cənubi Qafqazda sabitliyin təşviqi və iki ölkə arasında münasibətlərin normallaşması istiqamətində səylərini davam etdirir.

Liderlər arasında müzakirələr 1 iyun 2023-cü il tarixində Kişinyovda keçiriləcək Avropa Siyasi İcmasının (EPC) sammiti çərçivəsində Fransa prezidenti Emanuel Makronla Almaniya Kansleri Olaf Şoltsla birgə görüşdə davam etdiriləcək. 

Liderlər həmçinin hadisələrin inkişafını müzakirə etmək üçün Brüsseldə üçtərəfli görüşləri zəruri olduğu qədər davam etdirməklə bağlı razılığa gəliblər.

Şarl Mişel həmçinin Azərbaycan, Ermənistan, Fransa və Almaniya liderlərini 2023-cü ilin oktyabrında Qranada şəhərində keçiriləcək Avropa Siyasi İcmasının növbəti sammiti çərçivəsində ikinci görüşə dəvət etmək niyyətində olduğunu bildirib.

Daha çox öyrən

Mətbuat üçün açıqlama