Azərbaycan: Aİ həbs olunmuş ictimai fəalın azad olunmasına çağırır

Avropa İttifaqı (Aİ) Azərbaycan hökumətini həbs olunmuş alim və ictimai fəal Qubad İbadoğlunun dərhal azad edilməsini təmin etməyə çağırıb.

“Aİ-nin xarici işlər və təhlükəsizlik siyasəti üzrə rəsmiləri şübhə doğuran ittihamlarla həbs olunmuş tanınmış alim və fəal Qubad İbadoğlunun yaxınları ilə görüşüblər. Biz onun səhhətinin pisləşməsinə görə narahatıq,” Aİ-nin xarici işlər və təhlükəsizlik siyasəti üzrə sözçüsü Nabila Massrali avqustun 4-də verdiyi açıqlamada bildirib.

“Aİ bir daha Azərbaycan hökumətini dərman preparatlarının təmin olunmasına və onu dərhal azad etməyə çağırır”.

Daha çox öyrən

Mətbuat üçün açıqlama