AYİB Ukraynadakı müharibə ilə bağlı 2 milyard avro dəyərində dayanıqlıq paketini təqdim edib

Avropa Yenidənqurma və İnkişaf Bankı (AYİB) Ukraynadakı müharibədən zərər çəkmiş vətəndaşlara, şirkətlərə və ölkələrə kömək etmək üçün ilkin olaraq 2 milyard avro dəyərində dayanıqlıq paketi ayırdığını elan edib. Bank həmçinin şərtlər imkan verdiyi təqdirdə ölkənin yenidən qurulmasına kömək etmək üçün əlindən gələni edəcəyini vəd edib.

Vaxtı uzadılmış kreditlər, likvidliyə dəstək və ticarətin maliyyələşdirilməsi formasında Ukrayna şirkətlərinin dəstəklənməsi üçün maliyyələşdirmənin mümkün qədər tez təmin edilməsi planlaşdırılır. Mümkün hallarda müəssisələrin fəaliyyətini davam etdirə bilməsi üçün onların köçürülməsinə kömək ediləcək.

Bundan əlavə, Bankın Dayanıqlıq və Gəlir Mənbələri Proqramı Ukrayna qaçqınlarının axınından birbaşa təsirlənən ölkələrə kömək edəcək, çünki yerli idarəetmə orqanları insanların, xüsusən də qadınların, uşaqların və qocaların axınının idarə edilməsində böyük çətinliklərlə üzləşirlər.

Daha ətrafı öyrən

Mətbuat üçün açıqlama