Avropa İttifaqı (Aİ), BMT-nin İnkişaf Proqramı və Peşə Təhsili üzrə Dövlət Agentliyi Azərbaycanda peşə təhsili və təlimi müəssisələrinin mütəxəssisləri üçün təlim təşkil edib. Məqsəd peşə təhsili müəssisələrinin təşviqi üçün onların bacarıqlarını təkmilləşdirməkdir.
“Gələcək üçün peşə təhsili və təlimi” layihəsi çərçivəsində təşkil olunan təlimin məqsədi kommunikasiya işlərini yerinə yetirən şəxsləri təhsil marketinqi üzrə müasir yanaşma və alətlərlə tanış etmək və onların iş potensialını gücləndirməkdir. Yeni biliklər sayəsində iştirakçılar ictimaiyyətin peşə təhsili haqqında məlumatlılığını artıra biləcək və bu sektora daha çox gəncin və özəl şirkətlərin cəlb olunmasına nail olacaqlar.
Bakı şəhərində keçirilən tədbirdə paytaxtdan, həmçinin Bərdə, Qəbələ, Gəncə, Qax, İsmayıllı, Cəlilabad və Qusarda yerləşən peşə təhsili müəssisələrinin 15 nəfər kommunikasiya mütəxəssisi daxil olmaqla 22 nəfər iştirak edib.
Təlim, Aİ tərəfindən maliyyələşdirilən və BMTİP ilə Peşə Təhsili üzrə Dövlət Agentliyi tərəfindən həyata keçirilən “Gələcək üçün Peşə Təhsili və Təlimi: Azərbaycanda Qabaqcıl Peşə Təhsili Mərkəzlərinin yaradılmasına dəstək” layihəsi çərçivəsində təşkil olunub. Layihənin əsas məqsədi Azərbaycanda peşə təhsili müəssisələrinin müasirləşdirilməsinə dəstək verməkdir.
Daha çox öyrən
Digər məlumatlandırma səhifələri:
Son xəbərlər və iştirak imkanlarında maraqlısınız?
Bu internet səhifəsi Avropa İttifaqı tərəfindən maliyyələşdirilən Şərq Qonşuluğu üzrə Regional Kommunikasiya Proqramı ("'EU NEIGHBOURS east") 2020-2024 tərəfindən idarə olunur. Proqram Şərq Tərəfdaşlığı ölkələrindəki Avropa İttifaqı Nümayəndəlikləri arasında məlumat mübadiləsini tamamlayır və dəstəkləyir, eləcə də Avropa Komissiyasının Qonşuluq Siyasəti və Genişləndirmə Məsələləri üzrə Baş Direktoratı və Avropa Xarici Fəaliyyət Xidmətinin rəhbərliyi altında fəaliyyət göstərir. Proqram GOPA PACE-un rəhbərlik etdiyi konsorsium tərəfindən həyata keçirilir.
Bu məlumat Məsuliyyətdən imtina və Şəxsi məlumatların qorunmasına dair qaydalara tabedir. © European Union,