Aİ Azərbaycanın Avropa İnsan Hüquqları Konvensiyasının ölüm hökmünü qadağan edən protokolunu imzalamasını alqışlayır

Martın 8-də Avropa İttifaqı (Aİ) Azərbaycanın Avropa İnsan Hüquqları Konvensiyasının bütün hallarda ölüm hökmünü qadağan edən protokolunı imzalamasını təqdir edib. Avropa Şurasının 46 üzv ölkəsinin hamısı artıq bu sənədi imzalayıb. Bu ölkələrdən yalnız Azərbaycan və Ermənistan Konvensiyanı hələ də ratifikasiya etmədiyi üçün sənəd bu ölkələrdə qüvvəyə minməyib. 

 Aİ-nin bəyanatında deyilir ki, “Avropa İttifaqı hər zaman və bütün şəraitlərdə qəti və birmənalı şəkildə ölüm hökmünün əleyhinə olub”. “Bu, insan ləyaqətinin və bütövlüyünün qəbuledilməz inkarını təşkil edən və cinayətə qarşı çəkindirici rol oynamayan qəddar və qeyri-insani cəzadır. Ədalətin bərqərar olunmasında potensial səhvləri geri dönməz edən son cəzadır, – bəyanatda qeyd olunub.