ევროკავშირის მიერ დაფინანსებული აღმოსავლეთ პარტნიორობის სამოქალაქო საზოგადოების მექანიზმის პროექტი FutureLearn და TechSoup პლატფორმებზე კურსების უფასოდ გავლის შესაძლებლობას იძლევა. ინიციატივით სარგებლობა საქართველოსა და აღმოსავლეთ პარტნიორობის სხვა ქვეყნებში მომუშავე სამოქალაქო საზოგადოების წარმომადგენლებსა და სამოქალაქო აქტივისტებს შეუძლიათ.
პროექტის პარტნიორები დაინტერესებულ პირებს არაერთ კურსს სთავაზობენ. კერძოდ, FutureLearn პლატფორმაზე 3,500-ზე მეტი კურსი იძებნება, TechSoup პლატფორმაზე ინიციატივის ფარგლებში ხელმისაწვდომი კურსების სიის ხილვა კი აქ შეგიძლიათ.
შემდეგი ნაბიჯი იმ სამამდე კურსის შერჩევაა, რომლებზე დასწრების საფასურიც მაქსიმუმ 75 ევროს შეადგენს და რომლებიც თქვენი, როგორც სამოქალაქო აქტივისტის, უნარებს გააუმჯობესებს.
შეიტანეთ განაცხადი ამ ფორმის გამოყენებით და შეატყობინეთ აღმოსავლეთ პარტნიორობის სამოქალაქო საზოგადოების მექანიზმს თქვენ მიერ შერჩეული კურსების შესახებ. თქვენ ასევე უნდა დაასაბუთოთ, რატომ არის ეს კურსები თქვენთვის ღირებული.
გამოსაცდელი ვადის განმავლობაში ცალკეულ კანდიდატს მაქსიმუმ ორი განაცხადის შეტანა შეუძლია. წარმატების შემთხვევაში, აღმოსავლეთ პარტნიორობის სამოქალაქო საზოგადოების მექანიზმი გამოგიგზავნით „ელექტრონული სწავლების ვაუჩერს“ (ან, გამონაკლის შემთხვევებში, რამდენიმე ვაუჩერს), რომელიც შეგიძლიათ, თქვენ მიერ შერჩეულ კურსზე ჩასარიცხად გამოიყენოთ.
ვაუჩერები ხელმისაწვდომია შეზღუდული, გამოსაცდელი ვადით, 31 დეკემბრამდე.
დამატებითი ინფორმაცია
სხვა საინფორმაციო კამპანიები:
გაინტერესებთ უკანასკნელი ცნობები და შესაძლებლობები?
ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,