ცხადდება კონკურსი სამოქალაქო საზოგადოების ორგანიზაციებისთვის ევროკავშირთან ასოცირების შეთანხმების მონიტორინგსა და ადვოკატირებაზე

საქართველოს სტრატეგიული კვლევებისა და განვითარების ცენტრი (CSRDG) ევროკავშირის და კონრად ადენაუერის ფონდის მხარდაჭერით საგრანტო კონკურსს აცხადებს. კონკურსის თემა ევროკავშირსა და საქართველოს შორის გაფორმებული ასოცირების შეთანხმების საკითხების მონიტორინგი და ადვოკატირებაა.

კონკურსის მიზანი იმ ინიციატივების დახმარებაა, რომლებიც ევროკავშირთან ასოცირების პროცესის, კერძოდ, ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) ხელშემწყობ რეფორმებს უჭერენ მხარს. ორგანიზატორები მოუწოდებენ კონკურსანტებს, განსაკუთრებული ყურადღება დაუთმონ ისეთ საკითხებს, როგორიცაა გარემოს დაცვა, ენერგოეფექტიანობა, ინტელექტუალური საკუთრების დაცვა, მომხმარებელთა ინტერესების დაცვა და სურსათის უსაფრთხოება. 

კონკურსში მონაწილეობა შეუძლიათ მოქმედ სამოქალაქო საზოგადოების ორგანიზაციებს, რომლებიც რეგისტრირებულნი არიან და საქმიანობენ საქართველოს ნებისმიერ რეგიონში, თბილისის გარდა. თბილისში რეგისტრირებული ან ის ორგანიზაციები, რომლებიც ძირითადად დედაქალაქში საქმიანობენ, კონკურსში მხოლოდ პარტნიორის (თანაგანმცხადებლის) სახით დაიშვებიან.

საგრანტო თანხის მაქსიმალური ოდენობა 35,000 ლარს შეადგენს.

განაცხადების შეტანის ბოლო ვადაა 15 მარტი.

დამატებითი ინფორმაცია

პრესრელიზი