„შემოქმედებითი ევროპა“ მხატვრული თარგმანების გამოქვეყნების მხარდასაჭერ კონკურსს აცხადებს
ნოემბერი 18, 2022

„შემოქმედებითი ევროპა“ მხატვრული თარგმანების გამოქვეყნების მხარდასაჭერ კონკურსს აცხადებს


პროგრამამ, „შემოქმედებითი ევროპა“, ევროპული მხატვრული ტექსტების გავრცელების მხარდასაჭერად კონკურსი გამოაცხადა. 

5 მილიონი ევროს ოდენობის ბიუჯეტის მქონე კონკურსი მხარს დაუჭერს პროექტებს, რომლებიც თარგმნიან, გამოაქვეყნებენ, გაავრცელებენ და პოპულარიზაციას გაუწევენ მინიმუმ ხუთ მხატვრულ ნამუშევარს (რომანებს, პოეზიის კრებულებს, კომიქსებს და სხვა).

„შემოქმედებით ევროპის“ სხვადასხვა ქვეყანაში (მათ შორის საქართველოში) მოქმედ ორგანიზაციებს განაცხადების შეტანა როგორც ინდივიდუალური განმცხადებლის, ასევე მინიმუმ ორი უფლებამოსილი ორგანიზაციისგან შემდგარი კონსორციუმის წევრების სტატუსით შეუძლიათ.

დაფინანსების მისაღებად განაცხადების შეტანა სხვადასხვა მასშტაბის პროექტებისა და განსხვავებული რაოდენობის წიგნების თარგმნისთვისაა დაშვებული. ეს შეიძლება იყოს:

  • მცირემასშტაბიანი პროექტები, რომელთაც ათამდე წიგნის სათარგმნელად 100,000 ევრომდე დაფინანსების მიღება შეუძლიათ;
  • საშუალომასშტაბიანი პროექტები, რომელთაც 20-მდე წიგნის სათარგმნელად 200,000 ევრომდე დაფინანსების მიღება შეუძლიათ;
  • მსხვილმასშტაბიანი პროექტები, რომელთაც მინიმუმ 21 წიგნის სათარგმნელად 300,000 ევრომდე დაფინანსების მიღება შეუძლიათ.

უკრაინის წინააღმდეგ რუსეთის მიერ წარმოებულ ომთან დაკავშირებული განსაკუთრებული გარემოებების გამო, წახალისებული იქნება პროექტები, რომელთა მიზანიც უკრაინელი ლტოლვილებისა და ადგილნაცვალი პირებისთვის ევროპული ან უკრაინულ ენაზე დაწერილი წიგნების მიწოდებაა. შესაბამისად, კონკურსში მონაწილეობა შეუძლიათ პროექტებს, რომელთა ფარგლებშიც დაიბეჭდება და გავრცელდება ევროპული და უკრაინულ ენაზე დაწერილი მხატვრული ლიტერატურა. ეს პროექტები უნდა აკმაყოფილებდეს შერჩევის ზოგად პირობებს და უნდა შეიცავდეს მინიმუმ ხუთ თარგმანს. 

განაცხადების შეტანის ბოლო ვადაა 2023 წლის 21 თებერვალი. 

დამატებითი ინფორმაცია

პრესრელიზი

დახურვის თარიღი:

იანვარი 21, 2023


ყველაზე წაკითხული



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,