შეიტანეთ განაცხადი კონკურსზე და გახდით სოციალური მეწარმეობის ახალგაზრდა ელჩი

18-29 წლის ახალგაზრდებს საქართველოდან სოციალური მეწარმეობის ახალგაზრდა ელჩების პროგრამაში მონაწილეობის მისაღებად იწვევენ. ელჩების მთავარი მისია თავიანთ რეგიონებში მცხოვრები ახალგაზრდებისათვის სოციალური მეწარმეობის გაცნობა იქნება.

საქართველოს სტრატეგიული კვლევებისა და განვითარების ცენტრის (CSRDG) მიერ გამოცხადებულ კონკურსს ევროკავშირი და ორგანიზაცია „პური მსოფლიოსთვის“ (Bread for the World) აფინანსებენ. 

კონკურსის ფარგლებში შეირჩევა 25-მდე ახალგაზრდა. პირველ ეტაპზე ისინი სოციალური მეწარმეობის საზაფხულო სკოლას გაივლიან. ამის შემდეგ პროგრამის მონაწილეები ჩაერთვებიან პროექტების კონკურსში, რომლის საფუძველზეც ექვსი ახალგაზრდა ელჩი შეირჩევა.

CSRDG-ის სოციალური მეწარმეობის ახალგაზრდა ელჩები პროექტის დასაწერად 700 ევროს ოდენობის ფინანსურ მხარდაჭერას მიიღებენ. მათ ინიციატივაში სოციალური მეწარმეობის საკითხებით დაინტერესებული ადამიანების ჩართვა დაევალებათ.

განაცხადების მიღების ბოლო ვადაა 24 აპრილი.

დამატებითი ინფორმაცია 

პრესრელიზი