საგრანტო კონკურსი ქალთა მიმართ ძალადობის აღსაკვეთი ინიციატივებისთვის

ევროკავშირის მიერ დაფინანსებული პროექტის, „გენდერული ნიშნით და ოჯახში ძალადობის აღმოფხვრის ხელშეწყობა“, ფარგლებში არასამთავრობო ორგანიზაცია, „ქალთა ფონდი საქართველოში“ საგრანტო კონკურსს აცხადებს. 

კონკურსში,  „ქალთა მიმართ ძალადობის პრევენცია“, მონაწილეობა ქალთა საკითხებზე მომუშავე არასამთავრობო ორგანიზაციებს და საინიციატივო ჯგუფებს შეუძლიათ.

წარდგენილი პროექტები შეიძლება მოიცავდეს შემდეგ აქტივობებს:

• ინიციატივები, რომლებიც მიზნად ისახავს ქალთა უფლებების დაცვას, ადვოკატირებას და ლობირებას;
• სერვისების უზრუნველყოფა;
• საკანონმდებლო ინიციატივები, ქალთა და ლგბტქი+ პირთა უფლებების დარღვევის დოკუმენტირება;
• კანონებისა და კონვენციების შესრულების მონიტორინგი;
• მსხვერპლთა მხარდამჭერი პროგრამები;
• პრევენციული მექანიზმების შემუშავება/განხორციელება;
• გენდერული ნიშნით ძალადობის მსხვერპლთა უსაფრთხოების უზრუნველყოფა (ციფრული უსაფრთხოების ჩათვლით);
• ადგილობრივი მოსახლეობის ცნობიერების ამაღლება.

პრიორიტეტი მიენიჭება საპროექტო განაცხადებს, რომელთა სამიზნე რეგიონებია კახეთი, რაჭა-ლეჩხუმი და ქვემო სვანეთი, იმერეთი და ქვემო ქართლი.

გრანტის მაქსიმალური ოდენობა 10,000 ევროა.

განაცხადების შეტანა შესაძლებელია 20 აგვისტომდე.

პროექტს, „გენდერული ნიშნით და ოჯახში ძალადობის აღმოფხვრის ხელშეწყობა საქართველოში“, აფინანსებს ევროკავშირი და ახორციელებს „წამების მსხვერპლთა ფსიქოსოციალური და სამედიცინო რეაბილიტაციის ცენტრი“ (GCRT) პარტნიორ ორგანიზაციებთან ერთად, რომელთა შორისაა „ქალთა ფონდი საქართველოში“.

დამატებით ინფორმაცია

პრესრელიზი